Televizioni rus tregon se çfarë Kremlini mendon për Hillary Clinton

Për të kuptuar se çfarë Kremlini mendon për mundësinë e Hillary Clinton për t’u bërë presidente e SHBA-së, është e mjaftueshme për të parë mbulimin televiziv të televizionit rus në momentin kur ajo pranon kandidaturën e Partisë Demokratike.

Siç shkruajnë mediat e huaja, gjatë kësaj ngjarje, gjegjësisht gjatë kësaj dite, shikuesve rusë u tha se Clinton e sheh Rusinë si një armik dhe nuk mund t’i besohet, ndërsa konventa e Partisë Demokratike u portretizua si provë e mëtejshme se demokracia amerikane është një mashtrim, transmeton Telegrafi.

Në fjalimin e saj të pranimit të kandidaturës, Clinton riafirmoi përkushtimin ndaj NATO-s, duke thënë se ajo ishte “krenare për të qenë afër aleatëve në NATO kundër çdo kërcënimi që ata përballen, duke përfshirë edhe atë nga Rusia”.

Duke vepruar kështu, ajo ishte kishte qortuar rivalin e saj, kandidatin republikan Donald Trump, i cili ka vënë në pikëpyetje nevojën për aleancën perëndimore dhe sugjeroi se nëse ai zgjidhet president, Shtetet e Bashkuara nuk mund të respektojnë angazhimet e saj ushtarake të NATO-s, në veçanti në lidhje me ish republikat sovjetike në Baltik.

E siç shkruan më tej, AP, përcjell Telegrafi, ndërsa pozicionimi i Trump ka kënaqur Kremlinin, deklarata e Clinton ka provokuar në mënyrë të qartë.

“Ajo përmendi Rusinë vetëm një herë, por ajo ishte e mjaftueshme për të parë se epoka e rivendosjes ka përfunduar”, ka thënë Channel One, në raportin e saj.

Nga ato që përmenden tek Clinton është edhe fakti se ajo njëherë kishte krahasuar aneksimin e Krimesë me lëvizjet e Adolf Hitlerit në Evropën Lindore në fillim të Luftës së Dytë Botërore, krahasim që ishte ofendues për Rusinë, ku fitorja e vendit ndaj Gjermanisë naziste mbetet një nga momentet kryesore të krenarisë kombëtare.

Trump, në anën tjetër, i tha “This Week” të ABC-së në një transmetim të dielën se ai dëshiron të marrë në konsideratë faktin nëse SHBA-të duhet të njohin Krimenë si pjesë të Rusisë.

“Ju e dini, njerëzit e Krimesë, nga ajo që unë kam dëgjuar, më parë do të donin të ishin me Rusinë se sa aty ku ishin”, ka thënë Trump.

E kjo deklaratë e tij bie ndesh me pozitën e administratës Obama dhe Bashkimit Evropian, të cilat kanë imponuar sanksione ndëshkuese ndaj Rusisë në përgjigje të aneksimit.

Gjëja tjetër që përmendet në “konfliktin” Clinton-Rusi është edhe momenti kur Clinton përshkroi zgjedhjet parlamentare të Rusisë 2011 si të manipuluara, për të cilën gjë Putin tha se ajo ishte “duke dërguar një sinjal” për kritikët e tij.

Ai më pas kishte akuzuar Departamentin e Shtetit Amerikan për mbështetje financiare të protestave të dhjetëra mijëra njerëzve në rrugët e Moskës që kërkonin zgjedhje të lira dhe një fund të sundimit të Putinit.

Ndërkohë, sipas medieve të huaja, përcjell Telegrafi, Rusia është i dyshuari kryesor në hakerimin e kompjuterëve të Komitetit Kombëtar Demokratik, që çoi në publikimin e e-maileve që treguan se zyrtarët e partisë favorizuan Clinton mbi Sanders për nominimin presidencial.

Por siç shkruhet më tej, Kremlini ka mohuar një gjë të tillë.

Megjithatë, një gazetar në gazetën më të shitur Rusisë, vlerëson se një gjë e tillë do të ishte një veprim i zgjuar.

“Unë e mirëpres ndihmën e Kremlinit për ato forca në Shtetet e Bashkuara që qëndrojnë për paqe me Rusinë dhe demokracinë në Amerikë”, ka shkruar Israel Shamir në Komsomolskaya Pravda. /Telegrafi/