Telekomi i Kosovës u ka ofruar një ofertë për pensionim të parakohshëm e ndërprerje vullnetare të punës, punëtorëve të kësaj ndërmarrje.
Në emailin që Telekomi u ka nisur punëtorëve për të nënshkruar këtë marrëveshje të cilën e ka siguruar Telegrafi, thuhet se ata që zgjedhin të pensionohen apo të ndërpresin punën në mënyrë vullnetare do të kompensohen në bazë të një marrëveshje “Ofertë me pako vullnetare për punëtorët”.
Sipas ofertës së Telekomit, punëtorët që firmosin për t’u pensionuar para kohe do të përfitojnë 60 për qind të pagës aktuale bruto për periudhën e mbetur deri në pensionim. Derisa, punëtorët e Telekomit që vullnetarisht ndërpresin marrëdhënien e punës do të marrin 24 paga bruto përnjëherë.
Në këtë marrëveshje për ndërprerje të marrëdhënies së punës thuhet se “Palët me këtë Marrëveshje janë pajtuar që pas kërkesës së të Punësuarit/es të datës dhe Raportit të Komisionit Intern të Telekomit të Kosovës të datës 26.05.2022, për të pranuar një kërkesë të tillë për “Marrëveshje Vullnetare për Ndërprerjen e Kontratave të Punës, sipas kushteve të përcaktuara në këtë marrëveshje””
Tutje në marrëveshje specifikohet që ndërprerja e marrëdhënies së punës përfundon më 31.05.2022.
Por ajo që nuk është cekur në këtë marrëveshje e për të cilën kanë shprehur shqetësim edhe punëtorët e kësaj kompanie është mungesa e datës se kur do të kompensohen me mjetet sipas ofertës që ata kanë pranuar, shkruan Telegrafi.
Në marrëveshje ceket çdo gjë që nga shuma se sa do të kompensohen dhe datat kur duhet të ndërprenë punën punëtoret, por jo edhe data kur bëhet ekzekutimi i mjeteve.
Në emailat që kanë shkëmbyer disa prej punëtorëve me Departamentin e Burimeve Njerëzore në Telekomin e Kosovës, e të cilët i ka parë Telegrafi, punëtorët kanë kërkuar që në marrëveshjen për ndërprerjen e punës, të ju ceket data se kur ata do t’i marrin mjetet.
Në përgjigjen që ky departament u ka dhënë punëtorëve përmes emailit , thotë se kompensimi i mjeteve do t’u bëhet me ti pranuar paratë e huazuara nga aksionari (në këtë rast Qeveria), për këtë destinim.
Sipas Departamentit të Burimeve Njerëzore dhe Administratë, kjo pritet të realizohet jo më larg se në fund të muajit qershor 2022 apo fillim të muajit korrik 2022.
Punëtorët sërish kanë kërkuar që në marrëveshje të përfshihet data e transferimit të mjeteve. Gjithashtu ata kanë vërejtur se neni 6 i kësaj marrëveshje është në kundërshtim me ligjin dhe si i tillë lë hapësirë për padi.
Në nenin 6 të cilit i referohen punëtorët thuhet kështu “Pas nënshkrimit të kësaj Marrëveshjeje, I/E punësuari/a garanton që nuk ka ndonjë pretendim apo kërkesë të çfarëdo natyre nga marrëdhënia e punës ndaj Telekomit të Kosovës sh.a dhe se nuk do të përdorë asnjë mjet juridik për asnjë lloj pretendimi në organet kompetente kundrejt Telekomit të Kosovës sh.a”, shkruan Telegrafi.
Lidhur me këtë kryetari i Sindikatës së Punëtorëve në Telekom, Lamih Balaj, kishte thënë ditë më parë se ndihet i habitur me këtë njoftim të cilin e quajti diskriminues, pasi që nuk janë ftuar nga bordi dhe menaxhmenti i Telekomit për hartimin e kësaj oferte.
Balaj i garanton të gjithë punëtorët, të cilët nuk dëshirojnë që të shkojnë në pensionim të parakohshëm, se nuk do të ketë largim kolektiv të punëtorëve nga Telekomi i Kosovës.
“Ajo çka mua nuk më ka pëlqyer dhe kryesisë së sindikatës, është se ne nuk jemi pyetur fare për kushtet e pakos dhe ka qenë obligim edhe e aksionit që t’i kërkon menaxhmentit të ulet të diskutojë me sindikatat. Për mua si sindikatë nuk është e drejtë që si përfaqësues punëtoreve të Telekomit, me një numër mbi 50 përqind të të punësuarve të pranojë e-mailin e njëjtë bashkë me punëtorët e Telekomit, sepse ne këtë e shohim si diskriminuese”, kishte thënë Balaj. /Telegrafi/
Promo
Reklamo këtuLufta Prigozhin - Putin
Më shumëKush është vajza biznismene që po pushton tregun muzikor?
Produkte natyrale, vegane dhe organike për kujdesin e lëkurës - My Skin Project
50 brende botërore dhe 60 kuzhinierë pjesë e panairit Horeca - Frigo Deluxe
Kreativ Qeramika, Kampion i Kampionëve!
Scardian Sigurime shpallet fituese e çmimit “Best Insurance Company in Kosovo 2023” nga FMI
Nxitoni, vetëm edhe 4 vende të lira në kursin intensiv për kamerë “From Zero to Hero”
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Çfarë janë retë artificiale dhe a shkaktuan përmbytjet e mëdha në Dubai?
Gazeta ukrainase: Pse vendimi i Asamblesë Parlamentare të Këshillit të Evropës për Kosovën është humbje historike për Serbinë
“Vetëm një skuadër në Evropë është më e mirë se Bayern Munich” – legjenda e bavarezëve flet për Tuchel dhe ecurinë e klubit
Parandalohet vrasja e Volodymyr Zelenskyt - arrestohet shtetasi polak që bashkëpunonte me rusët
Zyrtare: Serie A do të ketë pesë skuadra në Ligën e Kampionëve për sezonin 2024/25
Policia serbe e dërgon në paraburgim mërgimtarin nga Gjakova që e arrestoi në kufi