Teksa përfliten për romancë, Shakira dhe Lewis Hamilton argëtohen bashkë në një klub nate në Londër

Shakira thuhet se ka festuar deri në orët e para të mëngjesit me Lewis Hamilton gjatë fundjavës, pasi thashethemet për romancën mes çiftit po shtohen çdo herë e më shumë.

Këngëtarja, 46-vjeçare, thuhet se u drejtua në klubin e natës Tape në Londër për të takuar shoferin e garave, 38 vjeç, pasi ajo e mbështeti atë duke shkuar në Silverstone për Çmimin e Madh të Britanisë.

Sipas një burimi, dyshja dukeshin sikur po kalonin një kohë të mirë në një tavolinë VIP në klub, me Shakira që po festonte deri në orën 3:30 të mëngjesit para se të largohej, ndërsa Lewis qëndroi jashtë deri në orën 6:00 të mëngjesit, shkruan Daily Mail.

“Ata ishin në një tavolinë VIP së bashku në vend dhe Shakira u pa e mbyllur në bisedë me Lewisin si dhe me anëtarë të tjerë të rrethimit të tij”, tha burimi për The Sun.

“Ajo dukej se po kalonte shumë mirë dhe po kërcente pranë tavolinës ku ishte ulur me Lewisin”, shtoi ai.

Shakira u largua më pas dhe u mor nga një shofer që e ktheu në Hotel Cafe Royal. Lewis qëndroi jashtë klubit deri në orën 6:00 të mëngjesit dhe shkoi në hotelin The Rosewood.

Më herët të dielën në mbrëmje, Shakira mori pjesë në Chiltern Firehouse pasi u fotografua në Silverstone.

Lewis përfundoi në vendin e tretë në garën e tij në Silverstone të dielën pas Lando Norris që doli i dyti dhe Max Verstappen që fitoi.

Shakira ishte ulur përkrah shoqes së saj në pjesën e pasme të një makine ndërsa po shkonin për në pistën e garës.

Shoferi i garave Lewis është parë shumë herë me këngëtaren që nga ndarja e saj nga ish-partneri Gerard Pique, 36 vjeç, vitin e kaluar.

Përveç shijimit të udhëtimeve me varkë së bashku me miqtë në Miami, dyshja darkuan edhe në Barcelonë pas vendit të dytë të Lewis në Grand Prix të vendit muajin e kaluar.

Më parë u raportua se Shakira ishte në një ‘trekëndësh dashurie’ me Lewis dhe aktorin Tom Cruise.

Por sipas The Mirror, Tom, 60 vjeç, iu ‘lëndua krenaria’ pasi Shakira në dukje refuzoi përpjekjet e tij për ta bërë për vete.

Lexo po ashtu Të gjitha lajmet nga Shakira

Një burim i tha publikimit se ylli i “Top Gun” besonte se ai dhe këngëtarja “kishin kimi të jashtëzakonshme”.

Ndërkohë një burim tjetër i tha Radar Online “Ishte një goditje e madhe për egon e Tomit, kjo e goditi edhe më shumë sepse ai e konsideron Lewis një shok”.

Sipas Us Weekly, këngëtarja e “Hips Don’t Lie” i konsideron thashethemet ‘qesharake’ dhe pavarësisht se kaloi një kohë ‘argëtuese’ me Tomin kur u takuan në Miami, ajo nuk ka në plan t’i çojë gjërat më tej.

Këngëtarja u nda nga ish-futbollisti i Barcelonës dhe Spanjës, 36 vjeç, qershorin e kaluar pasi Gerard u akuzua për tradhti.

Me anë të një postimi në Instagram, këngëtarja kolumbiane konfirmoi se nuk ishte më me Piquen, por për disa kjo deklaratë nuk ishte krejtësisht e papritur.

Shakira ndan dy djem, Milanin, nëntë vjeç dhe Sasha, shtatë vjeç, me ish-partnerin e saj Gerard. /Telegrafi/