Rrëfenjë anonime arabe
Përktheu: Bajram Karabolli

Një mbret arab, duke kaluar nëpër shkretëtirë, papritur, takohet me kolerën e cila po ikte me shumë nxit. Mbreti, i çuditur që e gjeti aty, e pyet.

- Pa ndalu pak, o kolerë, dhe më thuaj ku shkon me kaq nxitim?

- Po shkoj në Bagdad - i përgjigjet kolera. - Mendoj të marrë me vete nja pesë mijë jetë njerëzish.

Pas disa ditësh, mbreti e takon sërish kolerën në shkretëtirë dhe gjithë zemërim i thotë:

- Më gënjeve. Më the se do të merrje pesë mijë jetë njerëzish, por në Bagdad vdiqën njëzet mijë nga kolera.

- Jo - ia kthen kolera - nuk të kam gënjyer. - Unë vetëm pesë mijë mora, të tjerët vdiqën nga frika.

Fjala+ Cult