Të shtunën u shënua Dita Botërore e Vullnetarizmit

Në partneritet me Zyrën për Qeverisje të mirë dhe Ministrinë e Kulturës, Rinisë dhe Sportit, Misioni i OSBE-së në Kosovë, UNICEF, UNV, RYCO dhe organizatat joqeveritare PEN dhe LENS, shënuan Ditën Botërore të Vullnetarizmit.

Të shtunën, më 5 Dhjetor 2020, Dita Ndërkombëtare e Vullnetarizmit u shënua përmes organizimit të një bisede virtuale me katër panelistë të rinjë nga fusha e vullnetarizmit. Diskutimi u transmetua LIVE në faqet e Telegrafit dhe Gazeta Express.

Gjatë ngjarjes, shikuesit patën mundesi te ndiqnin fjalët hyrëse nga krerët e organizatave, duke përfshirë – Z. Habit Hajredini – Drejtues i Zyrës për Qeverisje të mirë/ Zyra e Kryeministrit, Znj. Vlora Dumoshi – Ministre e Kulturës, Rinisë dhe Sportit, Ambasadori Jan Braathu – Shef i Misionit të OSBE-së në Kosovë, Z. Murat Sahin – Shef i Zyrës së UNICEF-it në Kosovë, Z. Blerim Azizi – Vullnetarët e Kombeve të Bashkuara – Koordinator si dhe Znj. Krenare Gashi – Krasniqi – Shefe e degës lokale të RYCO-s në Kosovë.

Ndërsa në diskutimin me të rinj me temën “Vullnetarizmi gjatë kohës së pandemisë”, shikuesit patem mundesi te mësonin në lidhje me perspektivat dhe sfidat e vullnetarizmit përmes një paneli diskutues, të përbërë nga:Flutura Latifi – Vullnetare udhëheqëse e kampanjës #SkaMaLehte, Saimir Xharra – Vullnetar i Kombeve të Bashkuara, Jeta Raka – Vullnetare në kampanjën #SkaMaLehte, Besa Kolloni – Vullnetar e Kombeve të Bashkuara.

Përfaqësues nga Ministria e Kulturës, Rinisë dhe Sportit në fund shpallën vullnetarët e vitit.