Të rinjtë amerikanë që punojnë si influencues përloten për ndalimin e TikTok, i kërkojnë Donald Trumpit t’i “shpëtojë”

Pasi Gjykata e Lartë e ShBA-së la në fuqi ndalimin e rrjetit social TikTok në ShBA, të rinjtë nga ky vend vërshuan rrjetet sociale me video të tyre duke qarë sepse do të jenë pa aplikacionin e tyre të preferuar.

Konkretisht, ndalimi i TikTok-ut në ShBA ishte dashur të fillonte të dielën, por Shtëpia e Bardhë njoftoi se zbatimi i ligjit do të varet nga Donald Trump, i cili merr detyrën të hënën.

Duke marrë parasysh që TikTok është rrjeti social i preferuar i Gjeneratës Z, anëtarët e kësaj gjenerate nga ShBA nuk janë të kënaqur me vendimin për ta ndaluar atë.

@emilyesenn It’s my turn to cry on the internet about the TikTok ban #tiktokban #cryingintheclub #talking ♬ original sound – Emily Senn

“Po qaj në internet”, shkroi influencuesja Emily Senn krahas një videoje të qarjes së saj, duke shtuar se “nuk do ta falë kurrë qeverinë amerikane për këtë lëvizje dhe as nuk do t’u besojë atyre”.

Një përdorues tjetër i ka shkruar videon me lot: “Po qaj për shkak të ndalimit të TikTok. Ky aplikacion ndihej si një bisedë e grupit të familjes Gen Z”.

Përveç përdorimit të kësaj platforme thjesht për argëtim, ka shumë që kanë zhvilluar biznese me ndihmën e TikTok, nga influencuesit si Emily te pronarët e bizneseve të vogla.

@colie.1 💔this is more than an app. Thank you for the best 5 years of my life. Love you all more than words can say. I’ll be on YouTube and instagram! #tiktokban #genz ♬ original sound – Feelz

Midis tyre është Terrell Wade, një komedian, aktor dhe krijues i përmbajtjes me 1.5 milionë ndjekës në TikTok nën emrin @TheWadeEmpire. Wade, i cili e ka kthyer praninë e tij në TikTok në një punë me kohë të plotë, tha se ai pret “dy ditë kaos” me afrimin e afatit të së dielës.

Kishte edhe nga ata që bënin video komike se si po shpërnguleshin në Kinë vetëm që të mund të përdornin këtë rrjet social, dhe të tjerë iu lutën presidentit Donald Trump dhe MrBeast që të blinin rrjetin dhe kështu të “shpëtonin amerikanët”.

@haleyybaylee @MrBeast ♬ I hear your voice its like an angel – GreenScreams

Përveç kësaj, nuk mungojnë mesazhet e lamtumirës nga të rinjtë amerikanë, të cilët ndër të tjera thonë se kanë shpenzuar vite duke krijuar përmbajtje në aplikacion. /Telegrafi/