LAJMI I FUNDIT:

Të pasigurt dhe të izoluar – kështu duket jeta ‘ilegale’ e qytetarëve LGBT në Rusi

Të pasigurt dhe të izoluar – kështu duket jeta ‘ilegale’ e qytetarëve LGBT në Rusi

Ligjet e rrepta dhe represioni po e detyrojnë komunitetin LGBT të Rusisë të largohet nga vendi, por ata që nuk mund të shpëtojnë përballen me një fat gjithnjë e më të zymtë.

“Unë dhe miqtë e mi ndihemi shumë të pasigurt dhe të izoluar”, ka thënë Sophia Agapov, një anëtare e komunitetit LGBT të Shën Petersburgut, shkruan Euronews, përcjell Telegrafi. “Çdo hap i vetëm mund të çojë në ndjekje penale”.

“Është si një bllokim tjetër nga ai i shkaktuar nga coronavirusi. Është më mirë të qëndrosh në shtëpi”.

Siç vë në pah mediumi në fjalë, gjatë fundjavës, klubet e natës “miqësore” për homoseksualët, baret dhe saunat në qendër të Moskës u bastisën nga policia.

Hapi erdhi një ditë pasi gjykata e lartë e Rusisë ndaloi “lëvizjen ndërkombëtare LGBT”, duke pretenduar se ishte “ekstremiste”.

Kjo pavarësisht se asnjë lëvizje LGBT nuk ekziston zyrtarisht.

Ndërkohë, bëhet e ditur se shumë rusë LGBT – me lidhje, para dhe arsim – janë larguar në Perëndim, por kjo nuk vlen për të gjithë.

Ata që nuk i kanë këto avantazhe përballen me represion të shtuar shtetëror.

“Mediat tona sociale mund të përdoren kundër nesh”, ka thënë Agapov, duke vënë në dukje se tani po fshinte me ngut imazhet në internet nga ngjarjet në të cilat ajo mori pjesë në të kaluarën – “për çdo rast”.

Duke e njohur këtë “dhunë shtetërore”, Charlie Walker, një sociolog i Rusisë në Universitetin e Southampton, përshkruan se si politikat anti-LGBT kanë nxitur “vigjilencën homofobike”.

Ai tregon rastet e burrave që pretendojnë se janë homoseksualë në aplikacionet e takimeve dhe vrasin një tjetër për të “mbrojtur Rusinë”.

Ndryshe, Qendra për Kërkime të Pavarura Sociale zbuloi se dhuna ndaj personave LGBT në Rusi u dyfishua afërsisht brenda pesë viteve pas miratimit të ligjit.

“Nuk është më e sigurt pasi çdokush mund të rezultojë të jetë agresiv dhe i gatshëm të na raportojë. Njerëzit në përgjithësi janë bërë më armiqësorë që nga fillimi i 2022”, ka thënë Agapov për Euronews.

“Nuk ka qenë kurrë në këtë mënyrë në jetën time”.

Ndërkohë të rinjtë rusë LGBT ndjejnë izolim të shtuar social si rezultat i seksualitetit të tyre, sipas një raporti të HRW.

Dhe sipas sociologut Walker, Vladimir Putini po e shtyn përfundimisht këtë ultra-konservatorizëm për të çimentuar fuqinë e tij.

Ai pretendon se lideri rus thirret në komunitetin LGBT – i cili është më i dukshëm në Perëndim – për të argumentuar se shoqëria dhe traditat ruse janë “nën rrethim nga vlerat perëndimore”.

Veç kësaj, ekziston frika se Putini nuk do të ndalet me kaq. Ai ka të ngjarë të ndjekë politika më diskriminuese, me zgjedhjet presidenciale që priten në vitin 2024. /Telegrafi/

Në trend Botë

Më shumë
Bashkëshorti i ndjerë i la një miliardë dollarë, profesoresha amerikane i dhuron të gjitha për shkollimin falas të qindra nxënësve të kolegjit

Bashkëshorti i ndjerë i la një miliardë dollarë, profesoresha amerikane i dhuron të gjitha për shkollimin falas të qindra nxënësve të kolegjit

Amerika
Shtëpia e Bardhë: Sot vdiqën shumë palestinezë, kërkojmë informacione nga Izraeli

Shtëpia e Bardhë: Sot vdiqën shumë palestinezë, kërkojmë informacione nga Izraeli

Azia
Dukej si një ftohje dhe më pas filloi luftën për jetën: Pse u detyruan mjekët t'ia amputonin këmbët dhe krahët mësueses amerikane

Dukej si një ftohje dhe më pas filloi luftën për jetën: Pse u detyruan mjekët t'ia amputonin këmbët dhe krahët mësueses amerikane

Amerika
Pas vrasjes së mbi 100 palestinezëve nga forcat izraelite, reagon Joe Biden

Pas vrasjes së mbi 100 palestinezëve nga forcat izraelite, reagon Joe Biden

Azia
Pamje nga droni që tregojnë sesi në shumë raste, ushtarët rusë janë dorëzuar në fushëbetejë në Ukrainë

Pamje nga droni që tregojnë sesi në shumë raste, ushtarët rusë janë dorëzuar në fushëbetejë në Ukrainë

Evropa
Odysseus shfaqet duke prekur Hënën

Odysseus shfaqet duke prekur Hënën

Botë
Kalo në kategori