Të paktën tre të vdekur në kryeqytetin e Sudanit për shkak të përplasjes midis ushtrisë dhe forcave paraushtarake

Të paktën tre civilë raportohet se janë vrarë në përleshjet mes ushtrisë sudane dhe forcave paraushtarake në kryeqytetin Khartoum.

Sindikata e mjekëve në vend tha se vdekjet erdhën gjatë luftimeve të vazhdueshme të shtunën, ndërkohë ambasadat e Mbretërisë së Bashkuar dhe SHBA-së në qytet i paralajmëruan shtetasit e tyre të qëndrojnë brenda, transmeton Telegrafi.

Përleshjet midis ushtrisë sudane dhe Forcave paraushtarake të Mbështetjes së Shpejtë (RSF) po vazhdojnë rreth pallatit presidencial dhe Aeroportit Ndërkombëtar të Khartoum, ndërsa të dyja palët luftojnë për kontrollin e vendeve simbolike.

Lexo po ashtu Ambasadori amerikan u detyrua të strehohet pasi luftimet shpërthyen në kryeqytetin e Sudanit

Të dy partitë krijuan një partneritet pas rrëzimit të ish-udhëheqësit Omar al Bashir në vitin 2019, por shefi i ushtrisë, gjenerali Abdel Fattah al-Burhan ka qenë presidenti de fakto i vendit që nga një grusht shtet ushtarak në tetor të vitit 2021.

Një marrëveshje e re e nënshkruar në fund të vitit të kaluar duhej të hapte rrugën drejt zgjedhjeve demokratike, por dhuna e së shtunës shpërtheu pas javëve të tensioneve në rritje.

Shefi i RSF-së, Mohamed Hamdan Dagalo, i njohur më mirë si Hemedti, e ka etiketuar gjeneralin Al-Burhan një “kriminel” dhe ka akuzuar trupat e tij për kryerjen e një grushti shteti.

Aeroplanë luftarakë janë parë mbi qytet dhe dy linja ajrore kryesore, transportuesi shtetëror saudit Saudia dhe Egyptair i Egjiptit, kanë pezulluar fluturimet brenda dhe jashtë deri në njoftimin e mëtejshëm.

Banorët janë vendosur në shtëpitë e tyre ndërsa tymi i zi nga të shtënat e forta të armëve mbulon zonat e kryeqytetit, ku civilë të plagosur janë dërguar për trajtim në spital. /Telegrafi/