“Do të ishte një katastrofë” – Deontay Wilder me paralajmërim për Anthony Joshuan

Deontay Wilder e ka ftuar Anthony Joshuan për një duel dhe ka thënë se do të ishte një fatkeqësi e madhe nëse ata nuk luftojnë me njëri-tjetrin.

Promovuesi i AJ-t, Eddie Hearn, ishte përpjekur të pretendonte se amerikani nuk ishte i interesuar të luftonte pasi një marrëveshje me Arabinë Saudite për të organizuar luftën u anulua. Por ish-kampioni i peshave të rënda të WBC hodhi poshtë këto pretendime dhe thirri ekipin e Joshuas për të bërë një ofertë për një përballje në Las Vegas në fillim të vitit të ardhshëm.

“Është një luftë që të gjithë e presin me padurim dhe shpresojmë se do të ndodhë dhe unë po bëj gjithçka në fuqinë time për ta bërë atë të ndodhë, dhe po i referohem luftës së Anthony Joshuan”, ka thënë Bronze Bomber.

Lexo po ashtu Deontay Wilder qau pas nokautit brutal që i shkaktoi kundërshtarit të Anthony Joshuas

“Anthony po frikësohet të deklarohet vetë: Unë jam këtu, jam gati. Kam dëgjuar disa gjëra që promovusi juaj (Eddie Hearn) tha se lufta ime e fundit zgjati vetëm një periudhë të shkurtër kohe dhe unë nuk kam luftuar për një vit dhe ai nuk e di nëse dua të luftoj apo jo”.

“Por, unë po ju bëj të ditur se jam gati të luftoj – le ta bëjmë këtë momentin më të mirë të jetës sonë. Kjo do të ishte një katastrofë e madhe nëse nuk do të ishim në gjendje të dilnim në ring dhe të vendosnim vulën tonë në histori”, shtoi Wilder.

Tani Wilder dhe bashkëmenaxherja e tij Shelly Finkel janë duke pritur për një ofertë nga Hearn që ai kishte premtuar për Las Vegas vitin e ardhshëm. /Telegrafi/