“Do të ishte një ëndërr të rikthehem te Chelsea” – Oscar i gatshëm ta testojë sërish vetën në Ligën Premier

Ish-ylli i Chelseat, Oscar, thotë se do të ishte një ëndërr të kthehej në klub, duke lënë hapur derën për një transferim mahnitës.

Braziliani shijoi katër sezone e gjysmë në Stamford Bridge, ku ndihmoi skuadrën e tij të fitonte Ligën Premier, Carabao Cup dhe Ligën e Evropës.

Ai befasoi më pas të gjithë, duke siguruar një lëvizje në Superligën Kineze, duke nënshkruar për Shanghai Port në një marrëveshje me vlerë 82 milionë euro.

Lexo po ashtu Si ia shkatërroi mishi i pulës karrierën Andre Schurrles

Ai ende po luan në Kinë, por këmbëngul se do të donte të rikthehej te Blutë, pasi ai synon një rikthim në Evropë.

“Është sigurisht një ëndërr të kthehem te Chelsea”, deklaroi ai për talkSPORT. “Të gjithë e dinë pasionin që kam për këtë klub.

“Kam shumë kujtime të mira atje. Unë kam ende ëndrra për të luajtur për këtë skuadër. Pra, nëse mund të kthehem në Evropë ose në Chelsea, atëherë shpresojmë se mund të flasim”.

Lexo po ashtu Super kompjuteri parashikon top 10 më të mirët e sezonit të ardhshëm në Ligën Premier -zhgënjim për Chelsean dhe Arsenalin

Chelsea ka dhuruar një sezon të mjerueshëm dhe është në rrugën për të përfunduar në gjysmën e fundit të tabelës.

Mauricio Pochettino thuhet se do të marrë drejtimin e ekipit pas shkarkimit të pamëshirshëm të Graham Potter, ndërsa Frank Lampard e zhvillon nesër (e diel) ndeshjen e fundit në krye të ekipit si trajner i përkohshëm. /Telegrafi/