Të dyshuarit për vrasjen e 18-vjeçarit nga Podujeva janë të mitur, prokuroria jep detaje

Dy personat e arrestuar si të dyshuar për vrasjen e 18-vjeçarit nga Podujeva, janë të mitur.

Viktima Lulzim Fejzullahu ka ndërruar jetë të shtunën në Qendrën Klinike Universitare të Kosovës (QKUK), ku ishte duke u trajtuar për shkak të lëndimeve të rënda që kishte pësuar gjashtë ditë më parë kur ishte rrahur brutalisht nga të dyshuarit.

Sipas Prokurorisë Themelore në Prishtinë, pas një përleshje fizike që kishte ndodhur në rrugën “Drenica” në Podujevë më 14.01.2024, dy të dyshuarit (të mitur) e kanë goditur me një shkop viktimën (tashmë të ndjerin, 18 vjeç), duke i shkaktuar lëndime trupore.

Lexo po ashtu Policia për rastin e 18-vjeçarit nga Podujeva: Dy persona janë arrestuar, po kryhen hetime për vrasje të rëndë

“Ku si pasojë e këtyre lëndimeve të marra, viktima është dërguar në QKUK për trajtim mjekësor, ndërsa po në të njëjtën ditë, me urdhër të Prokurorit të Shtetit, dy të miturit janë ndaluar për shkak të veprës penale ‘Vrasje në tentativë’ (tashmë vrasje) dhe rasti ka filluar të trajtohet në Prokurorinë Themelore në Prishtinë”, thuhet në komunikatën për media.

Brenda afatit ligjor, pranë gjykatës kompetente, prokurori ka kërkuar masën e paraburgimit për të dyshuarit, e cila është aprovuar dhe të dyshuarit aktualisht ndodhen nën masën e paraburgimit.

Lexo po ashtu Flet axha i 18-vjeçarit që vdiq në QKUK, tregon se si u godit me veturë dhe u rrah me shufra metalike

“Gjatë ditës së sotme, prokurori i rastit është njoftuar se viktima ka ndërruar jetë dhe me urdhër të njëjtit trupi i pajetë është dërguar në IML, për obduksion”, bëhet e ditur më tej në njoftim. /Telegrafi/