Lajme Shqipëri

Edhe ambasadori amerikan Chris Hill në samitin “Ballkani i Hapur”, takohet me Ramën dhe Abazoviqin

Para 3 vitesh

Në Ohër të Maqedonisë së Veriut, mbahet takimi i radhës i nismës “Ballkani i Hapur”. Në margjina të këtij samiti, me ambasadorin amerikan në Serbi, Christopher Hill, janë takuar kryeministri i Shqipërisë, Edi Rama dhe ai Malit të Zi, Dritan Abazoviq.

Ambasadori amerikan Christopher Hill ka udhëtuar në Ohër për të marrë pjes në samitin e nismës “Ballkani i Hapur”. Ky samit vjen vetëm një ditë pasi shefi i diplomacisë ruse, Sergei Lavrov, deklaroi se “Ballkani i Hapur” është nismë e Beogradit.

Këtë deklaratë minsitri i jashtëm rus e bëri pasi Bullgaria, Maqedonia e Veriut dhe Mali i Zi ndaluan fluturimin e aeroplanit të tij mbi hapësirën ajrore të tyre për një vizitë zyrtare Beogradin.

Ai i zemëruar deklaroi se “udhëheqësit e Brukselit nuk donin të konfirmonin qëndrimin e Rusisë për Kosovën dhe BeH, për të shprehur mbështetjen për nismën e Beogradit për Ballkanin e Hapur dhe për të diskutuar interesat për përmirësimin e marrëdhënieve midis vendeve të rajonit”.

Ndërsa, Edward P. Joseph, ligjërues në Universitetin Johns Hopkins në Uashington, ka vlerësuar se ministri i Jashtëm i Rusisë, Sergei Lavrov ia ka dhënë “puthjen e vdekjes” iniciativës ‘Ballkani i Hapur’.

“Ashtu si falënderimi që shkon për Putinin për ‘freskimin’ e NATO-s, komplimente për Sergei Lavrov që i dha puthjen e vdekjes iniciativës së Ballkanit të Hapur”, ka shkruar Joseph në Twitter, përcjell Telegrafi.

Rama, përmes një postimi në Facebook, thotë se Abazoviqi sot zyrtarisht futi Malin e Zi në iniciativën “Ballkani i Hapur”.

“Kënaqësi marrja e kafes së sapombërritjes në Ohër, me kryeministrin, Dritan Abazoviq, i cili sot fut zyrtarisht Malin e Zi në Ballkanin e Hapur, si edhe me ambasadorin e Shteteve të Bashkuara në Serbi, Chris Hill, i cili është një mik i kahershëm i Shqipërisë e shqiptarëve, po edhe një mbështetës i vendosur i Ballkanit të Hapur”, ka shkruar Rama, transmeton Telegrafi.

E për të njëjtin takim ka shkruar edhe Abazoviqi në twitter.

Na marginama #OpenBalkan prijatan razgovor sa @ediramaal, premijerom 🇦🇱 i @usambserbia 🇺🇲.

Svi naši najvažniji spoljnopolitički partneri su tu. 🇪🇺❤🇲🇪

Zapadnom Balkanu je mjesto u #EU🇪🇺. #MNE🇲🇪 kao lider u integracijama je spremna da bude pozitivan primjer u tom procesu. pic.twitter.com/UUAmSxeUlZ

— Dr Dritan Abazovic (@DritanAbazovic) June 7, 2022

“Në margjinat e nismës “Open Balkan” pata bisedë të këndshme me kryeministrin e Shqipërisë Edi Rama dhe ambasadorin e Shteteve të Bashkuara në Serbi, Chris Hill. Partnerët tanë më të rëndësishëm të politikës së jashtme janë këtu. Ballkani Perëndimor ka një vend në BE. Mali i Zi si lider në integrim është gati të jetë shembull pozitiv në këtë proces”, ka shkruar Abazoviq.

Gjatë së mërkurës pritet nënshkrimi i katër marrëveshjeve të bashkëpunimit për luftën kundër evazionit fiskal, njohjen e diplomave të arsimit të lartë, bashkëpunimin kulturor dhe bashkëpunimin në fushën e turizmit./Telegrafi/