Tagliafico do të mirëpriste një transferim te Interi

Mbrojtësi i Ajaxit, Nicolas Tagliafico do të mirëpriste një transferim te Interi, ka thënë agjenti i lojtarit argjentinas.

Për momentin nuk ka pasur asnjë kontakt midis palëve, por emri i Tagliaficos është përmendur shumë për një transferim te Interi.

Duke folur për FcInterNews.it, agjenti i 28-vjeçarit, Ricardo Schlieper shpjegoi gjithçka rreth situatës.

“Inter është padyshim një klub i madh, por Nico iu përgjigj vetëm një pyetje të drejtpërdrejtë (në lidhje me interesin e tyre)”, ka thënë fillimisht Schlieper.

“Kush nuk do të dëshironte të luante për një klub kaq prestigjioz dhe të rëndësishëm si Nerazzurët? Të gjithë do donin”.

“E njëjta frazë mund të zbatohet për çdo klub të madh evropian”.

“Nuk ka asgjë konkrete me Interin sepse partneri ynë në Itali, me të cilin jam në kontakt të vazhdueshëm, nuk më ka folur për asgjë”.

“As unë nuk kam folur me Zanettin për një kohë”.

“Është ende herët për të përcaktuar të ardhmen e Tagliaficos, duhet të analizojmë shumë aspekte në mënyrë që të shohim se çfarë do të ndodhë”, përfundoi agjenti i argjentinasit. /Telegrafi/