Në zgjedhjet lokale që u mbajtën në Kosovë, kandidatet shqiptare nuk arritën të marrin votat e mjaftueshme për të siguruar një mandat në krye të komunës.
Nga dhjetë kandidate që ishin në garë, nëntë prej tyre u mposhtën në raundin e parë të zgjedhjeve, ndërsa vetëm një arriti të shkonte në balotazh, por që më pas u mposhtë nga kundërkandidati i saj.
Ardiana Qorraj, kandidate e Partisë Demokratike të Kosovës për kryetare të Deçanit, në zgjedhjet e 17 tetorit kishte fituar vetëm 298 vota.
Arbenesha Kuçi po ashtu kandidate e Partisë Demokratike të Kosovës për kryetare të Gjakovës, kishte marrë vetëm 1 mijë e 377 vota.
Pak vota kishte arritur të siguronte edhe kandidatja e Aleancës për Ardhmërinë e Kosovës, Arta Ahmeti- Xhylani, më 17 tetor ajo në Drenas fitoi vetëm 411 vota.
Në zgjedhjet e 17 tetorit, vota të mjaftueshme nuk arriti të siguronte as Anduena Gllareva nga Lidhja Demokratike e Kosovës, e cila si kandidate për për kryetare të Drenas mori besimin e vetëm 219 qytetarëve.
Kurse, Leonora Morina Bunjaku, kandidatja e Partisë Demokratike të Kosovës për kryetare të Gjilanit, në zgjedhjet lokale mori 3 mijë e e 518 vota.
Në garë për kryetare të Dragashit ishte edhe Kaltrina Salihu nga Lëvizja Vetëvendosje, e cila kishte arritur të grumbullonte vetëm 2 mijë e 375 vota.
Pak e votuan edhe Drena Podrimçakun, e cila nga Partia Balliste kandidoi për kryetare të Pejës, ajo u votua vetëm nga 89 qytetarë.
Ndërsa, Floretë Zejnullahu nga Partia Demokratike e Kosovës, në Podujevë kishte fituar 2 mijë e 471 vota.
Në garë për të fituar udhëheqjen e komunës ishte edhe Sibel Halimi nga Lidhja Demokratike e Kosovës, e cila në Ferizaj u votua nga 4 mijë e 585 qytetarë.
E vetmja kandidate grua që arriti të shkonte në balotazh ishte Mimoza Kusari Lila nga Lëvizja Vetëvendosje. Në garën për Gjakovë, ajo u mposhtë nga kandidati i Aleancës për Ardhmërinë e Kosovës, Ardian Gjini.
Kusari – Lila sipas rezultateve preliminare të Komisionit Qendror të Zgjedhjeve ka marrë 18 mijë e 873 vota.
Kurse, Ardian Gjini nga AAK, ka fituar 20 mijë e 254 vota.
Ndërsa në komunat me shumice serbë tashmë mandatin e kryetares e kanë fituar Lilana Shubariq dhe Katarina Ristiq. Që të dyja i përkasin subjektit politik Lista Serbe.
Lilana Shubariq do të udhëheq komunën e Graçanicës, kurse Katarina Ristiq komunën e Ranillugës.
Ndryshe, në raundin e parë të zgjedhjeve lokale 17 komuna kanë zgjedhur kryetarin, kurse 21 tjera kishin shkuar në balotazh më 14 nëntor.
Sipas rezultateve preliminare të KQZ-së, në raundin e dytë të zgjedhjeve, LVV ka fituar në katër komuna, aq sa kanë fituar edhe PDK e LDK, derisa AAK ka fituar në tri komuna.
Në raundin e dytë të zgjedhjeve të drejtë vote kishin 1 milion e 260 mijë e 571 qytetarë. /Telegrafi/
Promo
Reklamo këtuLufta Prigozhin - Putin
Më shumëDalin shifrat, sa emigrantë nga Shqipëria e Kosova në SHBA mund të dëbohen pas urdhrit të Trump
Dyshime se planifikonin vrasje, avokatja e familjes Elshani: Familja ishte e gatshme të ofronte gjithçka që kishin
Plani për vrasje në Pejë, Sylejmani i rreptë: Policët të shkojnë edhe në klube të natës
Avokati serb: Presioni i Perëndimit kyç për ndjekjen penale të Radoiçiqit për sulmin në Banjskë
Pas SHBA-së edhe Zvicra ndërpret ndihmën ekonomike për Shqipërinë
Greminger: Trump nuk e ka mendjen te dialogu Kosovë – Serbi
104.5m² komfort – Banesë luksoze me pamje tërheqëse për zyret e juaja
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Ekskluzivisht në Telegrafi Deals – Nike REAX nga 101€ në 79.95€!
Çfarë do të thotë DeepSeek AI për marrëdhëniet e SHBA me Kinën?
Çdo fëmijë e don një xhaketë të re për vit të ri!
25% zbritje në çizmet Adidas Terrex? Zgjate dorën!
Hej djem! Super xhaketa e Adidas tani vjen me zbritje ekskluzive vetëm për ju
Më të lexuarat
Dalin shifrat, sa emigrantë nga Shqipëria e Kosova në SHBA mund të dëbohen pas urdhrit të Trump
Tre lojtarët që Ronaldo i kishte kërkuar Real Madridit t'i transferonte në vitin 2017 - por Perez refuzoi
Dyshime se planifikonin vrasje, avokatja e familjes Elshani: Familja ishte e gatshme të ofronte gjithçka që kishin
Vinicius i dërgon mesazh Arabisë Saudite pas mega-ofertës që ka pranuar
Afati kalimtar i janarit: Transferimet minutë pas minute, emra të mëdhenj në bisedime
Ronaldo thotë se Man City do të ketë 'frikë' nga Real Madridi, pasi është bërë parashikimi i Ligës së Kampionëve