Supersfida vjen me një duel të fortë

Këtë të diel nga ora 20:00, në RTK do të ndeshen ekipi London Team që përbehet nga moderatori OrhanMurati, aktori Granit Ukaj dhe moderatorja Dona Gashi, kundër ekipit Ani Ani me aktorin e komedisë Adnan Blaku, moderatorja Genta Cana dhe reperi FAJTI.

Pritet një super duel, të gjithë kanë qenë pjesë e sfides edhe më herët, por me ekip krejt ndryshe dhe tani secili prej tyre ka mësuar nga humbja e mëhershme dhe do të provojnë t’i shfrytëzojnë të gjtiha mundësitë për ta fituar garën.

Moderatori Enis Ujkani këtë diel ka sjellë komplet lojëra të reja, por edhe një lojë tradicionale shumë interesante që është luajtur në të gjitha trevat tona ngasja e gomës dikur ka qenë pjesë e lojërave të fëmijëve, tani vjen në një show, ta shohim se çfarë kujtimesh do t’ju sjellë atyre që dikur kanë luajtur me këtë lojë.

Gjithashtu një lojë që sjell tension është edhe peshkimi i shpejtë, lojë shumë e vështirë, por si gjithmonë në fund të emisionit do të jetë loja që sjell shumë humor, bartja symbyllas.

Tani një mundësi për të gjithë shikuesit që dëshirojnë të japin ndonjë ide propozim se cilët nga yjet e famshëm dëshirojnë t’i kenë në studio dërgoni SMS në: https://web.facebook.com/supersfida/