Sulmi me tre të vrarë në Belgjikë, autori thuhet se sapo ishte liruar nga burgu, ku edhe ishte “radikalizuar” (Foto/Video)

Dy oficerë policie dhe një civil janë qëlluar për vdekje nga një burrë që ka thirrur Allahu Akbar, gjë që çoi në një situatë bllokade në një shkollë të mesme në Liege, në lindje të Belgjikës.

Sulmuesi, siç shkruajnë mediat e huaja, përcjell Telegrafi, kuptohet se është liruar nga burgu dje, iu afrua dy oficerëve femra nga prapa dhe i theri disa herë me thikë rreth orës 10.30 në orën lokale.

Lexo po ashtu Të shtënat në Belgjikë, dy policë dhe një kalimtar të vdekur - sulmuesi tanimë është “neutralizuar” (Foto/Video)

Prokurorët belgë thonë se sulmuesi pastaj çarmatosi oficerët dhe përdorte armët e tyre për t’i vrarë ata, para se të vriste një 22 vjeçar në një automjet aty pranë.

Terroristi i dyshuar thuhet se u fut në një shkollë të mesme afër dhe mori një pastruese si peng, para se të vritej nga një njësi e policisë elite.

Ai u identifikua më vonë si Benjamin Herman, 36 vjeç, një tregtar i dhunshëm i drogës, i cili u lirua të hënën nga një burg lokal në të cilin burg pretendohet se edhe u “radikalizua”. /Telegrafi/