Sulmi i Kosovës në top-formë, golat dhe asistimet sinjal për Bernard Challandes

Edhe pse ka shqetësim për lëndimet e Arbër Zenelit dhe Milot Rashicës, pjesa tjetër e sulmit të Kosovës po shkëlqen gjithandej.

Pa dyshim lojtari më në formë është sulmuesi qendror Vedat Muriqi i Fenerbahces.

Prizrenasi ka shënuar dy gola në dy ndeshjet e fundit për klubin e tij që e ka nisur shumë mirë edicionin në elitën e futbollit turk.

Goli i fundit ndaj Basaksehir e konfirmoi formën e tij të shkëlqyer që po kalon.

Në formë të lartë është edhe Bersant Celina që gjithashtu ka shënuar dy herë në dy ndeshjet e fundit për Sëansea në Championship.

Celina ka qenë startues në ndeshjet e fundit të Kosovës, ku ka luajtur rol të rëndësishëm në fitoren ndaj Bullgarisë, shkruan Telegrafi.

Një tjetër lojtar që po shkëlqen është edhe Lirim Kastrati i Lokomtiva Zegrab.

Ky i fundit shënoi dy herë në fitoren e ekipit të tij ndaj Zapresic, duke ia dhënë tri pikë ekipit.

I plot në fundjavë duke zhvilluar 90 minuta ishte edhe Bernard Berisha për Akhmat Groznyn, në humbjen e thellë ndaj CSKA-s (3-0).

Zhegrova nuk po ka aq minuta te Baseli, ndërsa Elbasan Rashani ishte i plot me OD ndaj Molde (2-2). /Telegrafi/