Sulm me bombë në një stacion të policisë kineze, lëndohen dy policë dhe një civil (Video)

Dy zyrtarë policorë dhe një civil janë lënduar në një sulm me bombë artizanale, që ka ndodhur në një stacion të policisë në verilindje të Kinës.

I dyshuari fillimisht i kishte vënë flakën një objekti, dhe më pas kishte shpërthyer një bombë në stacionin e policisë në Liaoning, transmeton Telegrafi.

Policia kineze ka njoftuar se i dyshuari ka mbetur i vdekur në vend pas sulmit kamikaz. E videot amatore të publikuar në rrjetet sociale shihen retë e zeza të tymit pas shpërthimi, si dhe qytetarët duke vrapuar nëpër qytet nga frika se mund ta pësojnë.

"I dyshuari ka mbetur i vdekur në vend", ka deklaruar zëdhënësi i policisë duke shtuar se kanë filluar hetimet lidhur me këtë sulm. /Telegrafi/