LAJMI I FUNDIT:

‘Stuhia kineze’ po afrohet mbi sektorin evropian të veturave elektrike, paralajmëron kryetari i bordit të Renault

‘Stuhia kineze’ po afrohet mbi sektorin evropian të veturave elektrike, paralajmëron kryetari i bordit të Renault

Një “stuhi kineze” po i afrohet sektorit evropian të veturave elektrike, tha për Reuters të shtunën Jean-Dominique Senard, kryetar i bordit të Renault, teksa superfuqia aziatike dominon lëndët e para kryesore për të prodhuar bateri për veturat me emetim zero.

Vendimi i fundit i Kinës për të vënë kufizime mbi eksportin e dy metaleve – galiumit dhe germaniumit – të cilat përdoren në gjysmëpërçues dhe vetura elektrike, duhet të ngre shqetësime tek liderët evropian pasi shfaq varësinë e madhe të kontinentit të vjetër ndaj Kinës dhe nevojën e ndërtimin të një zinxhiri furnizues me kosto të lartë, deklaroi Senard.

“Kur flas për një stuhi kineze, e kam fjalën për presionin e madh të sotëm i cili lidhet me importimin e veturave elektrike kineze në Evropë”, shtoi Senard, përcjell Telegrafi.

“Ne jemi të aftë të prodhojmë vetura elektrike, por po luftojmë për të garantuar sigurinë e furnizimeve tona”, tha ai, duke shtuar se industria kineze e veturave elektrike dhe zinxhiri i furnizimit për lëndët e para rezultuan nga vite të tëra investimesh që do të kushtonin miliarda euro për t’u kopjuar.

Kufizimet e eksportit nga Kina po përshkallëzojnë një luftë teknologjike me Shtetet e Bashkuara, duke shkaktuar potencialisht më shumë ndërprerje në zinxhirët e furnizimit global. Evropa e gjen veten në mes, duke e detyruar atë të kërkojë alternativa në rast të skenarit më të keq.

“Nëse ka një krizë të vërtetë gjeopolitike, dëmtimi i fabrikave të baterive të fuqizuara vetëm nga produktet që vijnë nga jashtë do të jetë i konsiderueshëm”, paralajmëroi Senard. “Ky është problemi”, shtoi tutje ai.

Zhvillimi i lëndëve djegëse alternative – të tilla si e-karburantet sintetike dhe hidrogjeni – do të ishte vendimtar në rast të një mungese të papritur të baterive për shkak të mungesës së lëndëve të para, shtoi ndër të tjera Senard.

“Ashtu siç do të bënte çdo prodhues i kujdesshëm, edhe ne po kërkojmë alternativa për të shmangur paralizimin e vendit nëse, për shembull, na mbarojnë bateritë”. /Telegrafi/


Në trend Auto

Më shumë
Çfarë domethënie kanë numrat dhe shkronjat në goma?

Çfarë domethënie kanë numrat dhe shkronjat në goma?

Auto
Gjoba deri në 10 mijë euro në Gjermani - Cilat gjëra të zakonshme nuk duhet t'i keni në veturë

Gjoba deri në 10 mijë euro në Gjermani - Cilat gjëra të zakonshme nuk duhet t'i keni në veturë

Auto
Koha është thelbësore - çfarë ndodh nëse veturën me naftë e mbushni me benzinë

Koha është thelbësore - çfarë ndodh nëse veturën me naftë e mbushni me benzinë

Auto
Njihuni me kompaninë që pretendon se do të reduktojë aksidentet rrugore

Njihuni me kompaninë që pretendon se do të reduktojë aksidentet rrugore

Auto
Harrojini furçat, kjo makinë mund ta largojë borën nga vetja, duke “u dridhur si një qen”

Harrojini furçat, kjo makinë mund ta largojë borën nga vetja, duke “u dridhur si një qen”

Auto
A e dini se për çfarë shërben tapa e derës së veturës, e cila është shumë e rëndësishme?

A e dini se për çfarë shërben tapa e derës së veturës, e cila është shumë e rëndësishme?

Auto
Kalo në kategori