Stuhi e fuqishme rëre ka goditur Irakun – shfaqjen pamjet e para në rrjetet sociale

Një stuhi e fuqishme rëre ka goditur Irakun, duke mbuluar qytetet me një shtresë të dendur pluhuri dhe duke e kthyer gjithçka në një ngjyrë të çuditshme, portokalli të errët, që i ka dhënë atmosferës një pamje të zymtë dhe shqetësuese.

Pamjet nga vendi tregojnë rrugë të boshatisura, ndërtesa të zhytura në mjegullën e rërës dhe një ndjenjë pasigurie që është përhapur në mesin e popullsisë. Shikueshmëria është ulur në mënyrë dramatike, duke e bërë të rrezikshëm qarkullimin, si për automjetet ashtu edhe për këmbësorët.

Për të shmangur mbytjen dhe për të mbrojtur shëndetin e tyre, njerëzit janë detyruar të mbajnë maska dhe të qëndrojnë brenda sa herë është e mundur. Autoritetet kanë bërë thirrje për kujdes të shtuar, veçanërisht për fëmijët, të moshuarit dhe ata me sëmundje kronike të frymëmarrjes.

🚨 A powerful sandstorm has hit Iraq, turning everything into an eerie color. Is this already the apocalypse, or not yet?

To avoid suffocation, people are protecting themselves with masks. Thousands of locals have sought medical help due to breathing problems.

The storm… pic.twitter.com/q6xVxXCbc2

— NEXTA (@nexta_tv) April 15, 2025

Spitalet dhe qendrat shëndetësore janë përballur me një fluks të madh pacientësh. Mijëra banorë kanë kërkuar ndihmë mjekësore për shkak të problemeve me frymëmarrjen, si pasojë e thithjes së grimcave të imta të rërës që janë shumë të dëmshme për mushkëritë.

Ndërkohë, stuhia ka ndërprerë përkohësisht operacionet në aeroportet ndërkombëtare të Nexhefit dhe Basrës, duke shkaktuar anulime dhe vonesa të shumta në fluturime.

Udhëtarët janë këshilluar të kontrollojnë informacionet zyrtare përpara se të nisen drejt aeroporteve. Kjo situatë ka sjellë jo vetëm shqetësim shëndetësor, por edhe ndikim në jetën ekonomike dhe sociale të vendit, duke vënë në provë kapacitetet e autoriteteve për t’i bërë ballë krizës. /Telegrafi/