Kur studentja e infermierisë Carly Boyd u fejua gjatë fundjavës, ajo u gëzua shumë.

Ajo, siç shkruan CNN, përcjell Telegrafi, menjëherë u tha miqve dhe familjes së saj, por nuk mund t’ia tregonte unazën e saj një personi të veçantë: gjyshit të saj.

Kjo pasi që ai, si miliona banorë të tjerë që jetojnë në shtëpi pleqsh, ka qenë i mbërthyer brenda, pa qenë në gjendje të ftojë dikë brenda, për shkak të coronavirusit.

“Unë me të vërtetë doja të isha në gjendje t’i tregoja gjyshit tim dhe ai nuk ka asnjë telefon atje ku ai të ketë qasje”, tha Boyd. “Unë thjesht doja të bëja një përpjekje për t’i thënë”.

Kështu, me ndihmën e stafit në Premier Living and Rehab Center në Lake Waccamaw, North Carolina, Boyd doli kah dritarja e dhomës së gjumit, ia tregoi unazën e saj dhe e ndau këtë moment të ëmbël me gjyshin e saj.

“Ishte shumë e veçantë”, tha Boyd. “Unë vetëm vura dorën time në dritare, dhe ai e vendosi të veten gjithashtu. Unë thjesht i thashë që e dua atë, dhe ai tha: Edhe unë të dua ty, dhe shpresoj të të shoh së shpejti”.

Boyd do të martohet vitin e ardhshëm, sipas KOLD, dhe ajo shpreson që gjyshi i saj të jetë aty për ta parë. /Telegrafi/