Sulmuesi i Gironas, Cristhian Stuani, nuk ka dashur t’i komentojë spekulimet që e lidhin atë me kampionët e La Ligas, Barcelonën.
Sulmuesi, Stuani, tani 32 vjeç, është një nga objektivat e Barcelonës për transferim që në janar.
Munir El Haddadi tashmë është larguar drejt Sevillas, ndërsa Barcelona është pa lojtarë në fazën e sulmit.
Christian Stuani . (Photo by David Ramos/Getty Images)
Në listë janë edhe emra si Olivier Giroud, Alvaro Morata dhe Fernando Llorente.
Por Stuani është objektivi kryesor i klubit.
Me 12 golat në këtë sezon, Stuani i treti në listën e realizatorëve në La Liga pas Lionel Messit (17) dhe Luis Suarez (14).
Christian Stuani duke i shënuar Barcelonës. (Photo by Alex Caparros/Getty Images)
Stuani ka një klauzolë lirimi prej 15 milionë eurosh, ndërsa kur u pyet për kalimin e tij te Barcelona - ai u tha gazetarëve: "Nuk mund të them asgjë".
Girona fal golave të Stuanit mban pozitën e nëntë në renditje. /Telegrafi/
