Strakosha për driblimin e Higuainit: Po të shënonte gol, do të isha në telashe

Thomas Strakosha ishte një ndër lojtarët kryesor të Lazios, e cila ka arritur të përfundojë gjatë sezonit që lamë pas në pozitën e pestë në Serie A.

Një ndër ndeshjet më të mira të portierit ishte paraqitja kundër Juventusit, ku reprezentuesi shqiptar i prit një penallti Paulo Dybalas.

Por përveç këtij momenti, 23-vjeçari shqiptar është bërë protagonist edhe i një tjetër episodi përballë bardhezinjve, me një driblim të tepruar kundër Gonzalo Higuainit që fatmirësisht për të nuk përfundoi me topin në rrjetë pasi sulmuesi argjentinas i hoqi nga këmbët.

“Unë nuk mendoj shumë në lojë, nëse top do të kishte përfunduar në gol, do të isha në telashe të mëdha. Të gjithë gabojmë, por gjëja më e rëndësishme është të dimë të reagojmë me kokë”, pohoi ai për lazionews.

Djali i ish-portierit të kombëtares së Shqipërisë, Foto Strakosha pohoi se aktualisht është duke u shëruar pas një lëndimi të pësuar gjatë sezonit të kaluar në ligën elitare italiane.

Lexo po ashtu Të gjitha lajmet rreth lojtarëve shqiptarë që luajnë nëpër Botë

Theksojmë se për një kohë të gjatë mediat botërore raportuan se për shërbimet e tij po interesohet Liverpooli, i cili vendos në fund ta transferojë portierin e Romës, Alisson Beckerin.

Ndryshe, Strakosha është paraqitur 59 herë në të gjitha garat e mundshme për Lazion. /Telegrafi/