Steve Jobs, Elon Musk dhe Richard Branson thonë se asnjëherë nuk duhet të paraqiteni “shumë të mençur”

Çfarë kanë të përbashkët Steve Jobs, Elon Musk dhe Richard Branson? Jo, nuk është fjala vetëm për famën apo pasurinë që kanë! Që të gjithë këta flasin gjuhën e një fëmije të klasës së tretë për t’i shpjeguar idetë e tyre.

Përse? Për shkak se e vetmja mënyrë se si fjalët tuaja mund të krijojnë përshtypje të mirë është nëse çdonjëri i kupton ato, transmeton Telegrafi.

Por, nuk është e lehtë thjeshtësimi i gjërave, e veçanërisht kur mendimi juaj i parë është se duhet të “tingëlloni të mençur” në mënyrë që njerëzit t’jua respektojnë autoritetin.

Sidoqoftë, sa më thjeshtë është aq më e mirë, andaj edhe ju sjellim disa mënyra se si Steve Jobs, Elon Musk dhe Richard Branson janë siguruar që kompanitë e tyre ta ndjekin këtë rregull.

Në kompaninë ‘Apple’ përdoren vetëm fjali të shkurtra

Steve Jobs kishte kërkuar që të gjitha prezantimet e tij të jenë me fjalë të thjeshta dhe të lehta për t’i kuptuar. Fjalitë kanë qenët ë shkurta dhe nuk ka përdorur zhargon.

Elon Musk ka kërkuar që punëtorët t’i shmangin “fjalët e pakuptimta”

Kompania ‘Apple’ nuk është e vetmja që beson në fuqinë e thjeshtësisë. Elon Musk u kishte dërguar një e-mail punëtorëve të tij në Tesla, ku u kishte kërkuar ta shmangin zhargonin dhe fjalët e pakuptimta kur e përshkruajnë softuerin e kompanisë dhe proceset tjera.

Richard Branson thotë të “mos bëheni budallai”

Në llogarinë e tij në ‘Twitter’, Branson shkruan, “Ndërlikimi është armiku juaj. Çdo budalla mund të bëjë diçka të komplikuar. Është e vështirë të bëhet diçka e thjeshtë”. /Telegrafi/