Stephen Hawking para se të vdiste kishte inçizuar një porosi paralajmëruese, tregoi se çfarë i pret gjeneratat e reja

Stephen Hawking para se të ndërronte jetë kishte incizuar një porosi për botën, e cila këto ditë është bërë publike gjatë promovimit të librit të ri “Përgjigjet e shkurtra në pyetjet e mëdha”.

Në këtë porosi Hawking kishte thënë se shkollimi dhe shkenca janë “në rrezik të madh si kurrë më parë”, dhe se ekspertët nuk janë duke u vlerësuar, transmeton Telegrafi.

Fizikanti britanik kishte paralajmëruar se shkenca duhet t’i zgjedh problemet e botës, përfshirë ndryshimet klimatike, mbipopullimin si dhe shkatërrimin e pyjeve.

“Rrezikohemi që kulturalisht të izolohemi dhe të shndërrohemi në ishuj, larg nga vendet që mund të sjellin përparim”, ka porositur Hawking.

“Çfarë i pret ata që tani janë të rinj? Me bindje të plotë mund të them që e ardhmja e tyre do të varet nga shkenca dhe teknologjia, si kurrë më parë”, kishte thënë Hawking.

Ai u ka bërë thirrje të rinjve që të shikojnë lart në qiell yjet e jo poshtë gishtat e këmbëve. Është fakt i mjaftueshëm që ta pyesin veten se pse ekziston universi. /Telegrafi/