Stavileci viziton hidrocentralin Albaniku në Mitrovicë

Ministri i Zhvillimit Ekonomik, Blerand Stavileci me bashkëpunëtorë sot do të zhvillojë një vizitë pune në hidrocentralet që ndodhen në proces të ndërtimit Albaniku I, II, III, IV, që ndërtohen në lumin Bistrica (degëve të lumit Ibër), Komuna e Mitrovicës, investim i Kompanisë e HIDROLINE shpk.

Vizita e ministrit Stavileci tregon mbështetjen që MZHE-ja, u jep investimeve private në Burime të Rinovueshme të Energjisë, si një nga prioritetet e e Ministrisë që ka për qëllim diversifikimin e burimeve të energjisë në vend.

Kosova është nënshkruese e Traktatit për Themelimin e Komunitetit të Energjisë (TKE) të Evropës Juglindore, i cili ka hyrë në fuqi në Qershor 2006. Në këtë kontekst, Qeveria e Kosovës është e angazhuar substancialisht për të zhvilluar sektorin e energjisë në përputhje me kërkesat e TKE-së. Ky Traktat obligon implementimin e ‘Acquis Communnitaire’ nga ana e secilës palë nënshkruese, sipas një kalendari për zbatim të reformave të kërkuara.

Ky projekt do të zvogëlojë importin e energjisë, do të mundësojë punësim të përhershëm të disa inxhinierëve dhe punonjës tjerë dhe mbi të gjitha do të kontribuojë në arritjen e cakut të konsumit nga burimet e renovueshme. /Telegrafi/