LAJMI I FUNDIT:

Spitali mobil pranë Qendrës Klinike në Shkup plotësisht funksional në javën e ardhshme

Spitali mobil pranë Qendrës Klinike në Shkup plotësisht funksional në javën e ardhshme
Foto: AIM

Në qarkun e Klinikës Universitare për Sëmundje Infektive është vendosur spitali i lëvizshëm për pranimin e pacientëve me coronavirus. Spitali do të ketë 130 shtretër dhe kushte të përshtatshme, me tualete, dushe. Do të jetë plotësisht funksional javën e ardhshme.

Spitali mobil është i ndërlidhur me Klinikën Infektive dhe do të plotësojë kapacitetin e saj. Në vendosja e tij, që ka zgjatur më pak se shtatë ditë, ishin të përfshirë Bashkia e Shkupit, Ministria e Shëndetësisë dhe Ministria e Mbrojtjes, përcjell Telegrafi Maqedoni.

Lokalitetin ku është vendosur spitali mobil, e vizituan sot zëvendëskryeministrja dhe ministre e Mbrojtjes, Radmilla Sheqerinska, ministri i Shëndetësisë, Venko Filipçe dhe kryetari i Bashkisë së Shkupit, Petre Shilegov.

Spitali i lëvizshëm është vendosur në zonën ku ishin barakat e ish-konviktit “Medicinar”, të cilat Bashkia e Shkupit i rrënoi dhe e rregulloi ambientin.

Me këtë spital në mënyrë plotësuese rriten kapacitetet për hospitalizim të personave të infektuar me Covid-19.

Ndërsa sipas Ministrisë së Shëndetësisë, sistemi shëndetësor në vend është i gatshëm të pranojë numër më të madh të pacientëve sesa ata që trajtohen aktualisht në spitale, si dhe për pikun e coronavirusit në vend, i cili sipas vlerësimeve pritet nga fundi i muajit.

Ekzistojnë më shumë se 1.000 shtretër spitalor në dispozicion për shtrimin në spital të pacientëve me koronavirus edhe atë në Klinikën e Sëmundjeve Infektive me me kapacitete shtesë, SPQ “8 Shtatori”, Pavionet e sëmundjeve infektive në Shtip, Gostivar dhe Veles, Instituti për sëmundjet e mushkërive në Kozle, ndërtesa ndihmëse e Ministrisë së Punës dhe Politikës Sociale në Demir Kapi, si dhe kapacitetet e ofruara nga spitalet private./Telegrafi/

Në trend Lajme

Më shumë
Dygjuhësia duhet të merret si avantazh, jo problematikë te fëmijët – Pervizaj flet për hulumtimet e fundit

Dygjuhësia duhet të merret si avantazh, jo problematikë te fëmijët – Pervizaj flet për hulumtimet e fundit

Elfije Boletini
Deklaratat për zgjedhje, Konjufca: Mazhoranca nuk ka vullnet që vendi të shkojë në zgjedhje përmes dorëheqjes së Qeverisë

Deklaratat për zgjedhje, Konjufca: Mazhoranca nuk ka vullnet që vendi të shkojë në zgjedhje përmes dorëheqjes së Qeverisë

Lajme
Lajçak me post të ri nga shtatori

Lajçak me post të ri nga shtatori

Lajme
IKShPK: Regjistrohen 8 raste të Kollës së mirë në Kosovë, prindërit t'i vaksinojnë fëmijët

IKShPK: Regjistrohen 8 raste të Kollës së mirë në Kosovë, prindërit t'i vaksinojnë fëmijët

Shëndetësi
RTK: Ambasadori Berishaj po intervistohet nga Prokuroria Speciale

RTK: Ambasadori Berishaj po intervistohet nga Prokuroria Speciale

Drejtësi
Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Lajme
Kalo në kategori