Kampionati Evropian 'Euro 2020' është futur në fazën më interesante, atë të eliminimit direkt.
Pasi janë kryer të gjitha ndeshjet e fazës së grupeve, janë mësuar 16 kombëtaret më të mira në Evropë që do të kërkojnë triumfin e madh në këtë kampionat.
Për ditën e sotme në program janë për tu zhvilluar dy ndeshjet e para të fazës së eliminimit direkt, ku do të mësohen edhe dy skuadrat e para çerekfinaliste.
Ndeshja e parë në program është ajo mes Kombëtares së Uellsit dhe asaj të Danimarkës.
Ky takim do të zhvillohet me fillim nga ora 18:00 në stadiumin legjendar 'Johan Cruijff Arena' në Amsterdam.
E ndeshja kryesore e ditës do të zhvillohet me fillim nga ora 21:00 ku Italia dhe Austria përballen mes vete.
Italianët janë favorit për të kaluar tutje, por austriakët janë shumë të papërshtatshëm dhe synojnë befasinë.
Ky takim zhvillohet me fillim nga ora 21:00 në Wembley në Londër. /Telegrafi/
