Sot në Ohër u mbajt punëtori për reforma të financimit të institucioneve të arsimit të lartë

Nën organizimin e Ministrisë së Arsimit dhe Shkencës sot në Ohër është mbajtur punëtori me temë “Modeli për reforma të financimit të institucioneve të arsimit të lartë në Republikën e Maqedonisë, me qëllim të përmirësimit të performancave të tyre, përcjell Telegrafi Maqedoni.

Zv.ministri i Arsimit dhe Shkencës, Sprio Ristovski, theksoi se qëllimi është që përme reformave adekuate të vendosen kritere shtesë që do t’i definonin mënyrat e financimit të institucioneve të arsimit të lartë.

Xhamil Salmi, ekspert për reforma në arsimin e lartë në korniza botërore, theksoi se kuadrot e arsimit të lartë janë resurset më të rëndësishme të secilit shtet dhe forcë shtytëse e ekonomive nacionale, duke përfshirë edhe Maqedoninë.

Rektori i Universitetit “Shën Klimenti i Ohrit” nga Manastiri, Sasho Korunovski, theksoi se universitetet janë të gatshme të bisedojnë për reforma të financimit, që në qëllim përfundimtarë do të kontribuonte për përmirësimin e cilësisë së arsimit të lartë.

Ndërsa rektori i Universitetit “Goce Dellçev” nga Shtipi, Bllazho Boev, tha se modeli për financim themelorë dhe plotësues është komplementar me mendimet e institucionit të arsimit të lartë./Telegrafi/