Sondazhi nga Pyper: 64% e qytetarëve e vlerësojnë të suksesshme vizitën e Kurtit në Bruksel

Pyper, si platformë e specializuar për matjen e opinionit publik, në bashkëpunim me emisionin “Debat Plus”, që transmetohet në RTV Dukagjini, ka organizuar sondazhin e radhës.

Në këtë sondazh qytetarët janë pyetur për vizitën e Kurtit në Bruksel.

Rreth 64% e qytetarëve e vlerësojnë të suksesshme vizitën e Kurtit në Bruksel. Rreth 15% e shohin si të pasuksesshme vizitën e Kurtin ën Bruksel. 21% nuk kanë opinion për këtë çështje.

Rreth 39% e qytetarëve mendojnë se do të ketë shtim të presionit ndërkombëtarë për dialog pas refuzimit të Kurtit për t’u takuar me Vuçiqin me 11 maj në Bruksel. Rreth 40% nuk mendojnë se do të ketë presion nga Bashkimi Evropian. 21% nuk kanë opinion për këtë temë.

46% e qytetarëve e vlerësojnë të rëndësishëm ekipin e ekspertëve të krijuar nga Grupi i Ballkanit që do të asistojnë në dialog. 23% e vlerësojnë të parëndësishme rolin e këtij grupi. Pjesa tjetër nuk kanë opinion.

Rreth 60% e respodentëve mendojnë se Albin Kurti do ta ftojë opozitën në procesin e dialogut. Mbi 20% mendojnë se Kurti nuk do ta ftojë opozitën në këtë proces. Derisa rreth 20% nuk kanë pasur opinion për këtë temë.

Bëhuni pjesë e sondazheve tjera – shkarkoni aplikacionin Pyper (iOS)

Bëhuni pjesë e sondazheve tjera – shkarkoni aplikacionin Pyper (Android)

Rezultatet e detajuara të sondazhit të Pyper i gjeni në grafikët e mëposhtëm.