Sofia Vergara dhe Heidi Klum në kombinime thuajse identike

Edicioni rastësor i plotësuar me çizmet e famshme

Të dyja zgjodhën një kombinim tërësisht të zi, por ndryshimi është vetëm në pjesën e poshtme të gardërobës.

Sofia Vergara dhe Heidi Klum kanë pasur një moment “binjak” kur kanë mbërritur në xhirimin e emisionit argëtues “America’s Got Talent”.

Anëtarët e famshme të jurisë dukeshin të mahnitshme me xhupa identikë të zinj me mbishkrimin: “Nuk do të arrij asgjë sot”. Në fundjavë, ky është pa dyshim një slogan i duhur, transmeton Telegrafi.

Dizajni vjen nga marka e qëndrueshme e modës së rrugës “Teddi Fresh”, që krenohet me “bërjen e rrobave që vërtet mund t’i vishni”.

Në njoftimin zyrtar, marka shpjegon: “Ne jemi të fokusuar në prodhimin e produkteve me cilësi të lartë nga materiale më të mira që promovojnë një ndikim pozitiv si në jetën e njerëzve ashtu edhe në mjedis”.

Të dyja zgjodhën një kombinim krejtësisht të zi, ndërsa ndryshimi është vetëm në pjesën e poshtme të gardërobës.

Sofia kishte veshur çizme lëkure mbi gju me taka të larta dhe poshtë xhupit, që i duket si fustan, kishte veshur vetëm çorape të zeza. Modelja gjithashtu kishte një pamje të ngjashme, me pantallona lëkure me çizme të larta deri në kofshë të ngjashme me çizmet prej lëkure. Ajo arriti pamjen e famshme “supermodele jashtë detyrës”. /Telegrafi/