Sllaveski: Shumë pak flitet për borxhet e qeverisë së re

Më herët gjatë gjithë kohës çështja e huamarrjes ishte në rend dite, tani më pak flitet për të, edhe pse qeveria e tanishme i bën këto huamarrje rregullisht. Opinioni pret më shumë të holla që të shpenzohen në infrastrukturë. Kështu thotë profesori Trajko Sllaveski, anëtar i komitetit ekzekutiv të OBRM-PDUKM-së, në intervistën javore për Radio Evropa e Lirë.

Ai u shpreh se nuk kzistojnë analiza të cilat me precizitet mund të bëj ndarjen se për çfarë qëllime sa mjete janë harxhuar, a janë produktive ose joproduktive, përcjell Telegrafi Maqedoni.

“Është fakt se ka pasur investime në fushën e kulturës dhe ajo ishte një prej priotiteteve të Qeverisë ose qeverive të kaluara. Dua të theksoj se në periudhën e kaluar është fetishizuar çështja e huamarrjes, nëse e mbani mend gjatë gjithë kohës ka qenë në rend dite, tash shumë pak dëgjojmë, edhe pse edhe Qeveria e tanishme i bën rregullisht huamarrjet në tregun vendor dhe huamarrje të detyrueshme të mjeteve nga jashtë”, tha Sllaveski.

Sllaveski shtoi se për shkak të kohës së shkurtër të Qeverisë aktuale sa i takon përgatitjes së buxhetit të vitit 2018, tani nuk mund të gjykohet. Ai theksoi se më tepër hapërsirë për një gjë të tillë do të ketë për buxhetin e vitit të ardhshëm.