Armando Sadiku dhe Burim Kukeli do të jenë pjesë e Ligës së Evropës me Zurichun edhe pse kanë rënë një kategori më poshtë.
Zurich ra sezonin e kaluar nga kategoria në Zvicër, por në fund çuditërisht arriti të fitojë kupën dhe për këtë fakt merr pjesë direkt në grupet e Ligës së Evropës.
Skuadra zvicerane, që ka në mesin e saj edhe dy lojtarët e kombëtares shqiptare Armando Sadiku dhe Burim Kukeli, është vendosur në Grupin L nga shorti i hedhur këtë të premte, së bashku me Vilarealin, Steauan Bukureshtit dhe skuadrën turke të Osmanlispor.
Ishte pritur që Sadikut të largohej drejt një kampionati më të fortë, por duket se drejtuesit e Zurichut kanë vendosur ta mbajnë edhe për një sezon sulmuesin e kombëtares shqiptare.
Nuk është hera e par që një skuadër merr pjesë në këtë garë edhe pse ka rënë nga kategoria e parë. /Telegrafi/
