Skivi: Ata e nisën incidentin, ja versioni im

Reperi i Babastars, Skivi, ka folur për herë të parë për incidentin me Noizyn, duke thënë se grupi i tij ka nisur incidentin.

Për herë të parë Skivi ka folur për incidentin se si ndodhi ngjarja dhe këtë ai e bëri në një lidhje direkte me Cozmanin për Top Show në Top Channel.

“Kush e nisi incidentin? Ne nuk e nisëm, di të them se ata e nisën”, e nisi deklaratën e tij Skivi.

Lexo po ashtu Cozman tregon për herë të parë si ndodhi ngjarja!

Ai shtoi se mbante prej 2-3 ditësh takime në hotelin në qendër të Prishtinës ku ndodhi ngjarja, teksa tha se kur arriti te vendi i ngjarjes, është fyer dhe është sharë nga 10 persona në hyrje të hotelit, të cilët ishin Noizy dhe grupi i tij, shkruan Telegrafi.

“U thashë, nuk është as koha e as momenti shqipe. U largova për t’u takuar me personin në fjalë për çështje punësh dhe isha me Sofie Kastriotin, një femër kur ata na fyen”, u shpreh Skivi.

Lexo po ashtu Përleshja mes Noizyt dhe Cozman, të gjitha lajmet

Më pas ai tha se ka qen në kontakt gjatë gjithë ditës me Cozmanin, kur edhe atë e njoftoi se e kanë sharë, ndonëse tha se mendoi se gjithçka është përfunduar pasi ai konsultoi menaxherin e hotelit në fjalë duke ia shprehur shqetësimet.

Ai shtoi se nuk ishte përgatitur me grupin për incidentin dhe se Cozman u takua rastësisht.

“Ky ka qenë problem i momentit, nuk ka qenë e planifikuar”, tha Skivi duke shtuar se ai i ka ikur incidentit.

Skivi dhe Cozman potencuan se ata nuk bëjnë incidente për të arritur te fama, kjo shihet ndër vite, teksa kanë dëshirë që të mbyllet kjo çështje.

Ata treguan se nuk do të ketë më incidente, nëe OTR nuk provokojnë sërish. /Telegrafi/