Skandal nga mjekët në Angli: I thanë lojtarit se mund të rikthehej të luante, futbollisti vdiq në fushë

Një futbollist u rrëzua dhe vdiq gjatë një ndeshjeje, derisa pritej të bëhej baba pas pak ditësh, raporton BBC.

Mitchell Joseph i ishte thënë se mund të luante futboll pasi iu nënshtrua një operacioni në zemër.

Por, mbrojtësi 33-vjeçar u rrëzua vetëm 30 minuta pas ndeshjes në Swansean, ndërsa mjekët u përpoqën me dëshpërim ta ringjallnin.

Në mënyrë tragjike, Mitchell nuk mundi të shpëtohej dhe vdiq dy orë më vonë në spital, ndërsa e fejuara e tij shtatzënë Laura Davies ishte e thyer.

Në një deklaratë emocionale, ajo tha: “Kam humbur njeriun e zemrës, kam humbur babanë e fëmijës tim që nuk arriti ta shihte të vinte në jetë”.

Gjykatës iu tha se Mitchell kishte një operacion për të rregulluar një valvul në zemrën e tij në maj 2017 pasi pësoi një aksident në punë.

Mjekët i thanë atij se mund të “vazhdonte me jetën e tij” – duke përfshirë kthimin në sportin që donte.

Vetëm disa javë pas operacionit, Mitchell shkoi nga Swansea në Paris për një garë bamirësie me biçikletë dhe iu kthye të luante futboll.

Hetimet për vdekjen e tij janë duke vazhduar ndaj mjekëve që i dhanë lejen që të rikthehej në futboll. /Telegrafi/