Sinan Hoxha kujton takimin e parë të nënës së tij me Andrrën: Ka qenë skandal

Këngëtari i njohur Sinan Hoxha ka qenë i ftuar së fundmi në emisionin “Boom”.

Ai ka rrëfyer shumëçka nga jeta dhe karriera e tij, duke përmendur edhe planet që ka për të ardhmen.

I pyetur rreth jetës private, këngëtari Hoxha tregoi se çdo gjë po i ecën si më së miri.

Ndërkohë, ai kujtoi edhe takimin e parë të bashkëshortes së tij, Andrrës, me nënën e tij.

Këngëtari befasoi teksa e quajti si një skandal atë skenë, pasi i kujtohet se si e ëma i kishte puthur dorën që në atë moment Andrrës, gjë që i ishte dukur e tepërt.

“Takimi i parë ka qenë skandal! Nëna ime mezi e priste, ç’të them?! Takimi i parë, sapo hyn Andrra, mamaja ime qante dhe i merr dorën e i puthte. Mua komplet më ra tavani sipër kokës. Mamaja ime t’i puthte dorën Andrrës? E mora shumë keq, nuk e di, sepse duhej t’i puthte dorën Andrra asaj. Nëna vetëm qante. Edhe sot e kësaj dite mamaja ime bëhet palë me Andrrën, thotë ej, ka lënë Gjermaninë ka ardhë në Tiranë për ty”, ka thënë ndër të tjerash Sinan Hoxha. /Telegrafi/