Simeone paralajmëron Unitedin pas barazimit: Luajtëm më mirë, nuk keni asnjë avantazh në ndeshjen kthyese

Trajneri i Atletico Madridit, Diego Simeone, këmbëngul se ata meritonin më shumë nga barazimi 1-1 ndaj kundërshtarit të Ligës së Kampionëve, Manchester United.

Një gol i vonshëm i barazimit nga Anthony Elanga anuloi golin e hershem të Joao Felix për Atleticon në ndeshjen e parë të 1/8-tës në Ligën e Kampionëve.

Ky barazim ka lënë shije të hidhur te trajneri i Atleticos, Simeone, i cili ka një paralajmërim për kundërshtarin e tyre për ndeshjen kthyese.

Lexo po ashtu Gjithçka baras në ‘Wanda Metropolitana’, Elaga shpëton Man Utd nga humbja

“Ata shfrytëzuan të vetmin shans që krijuan në atë që ishte një lojë e mirë nga ne”, ka thënë fillimisht Simeone pas ndeshjes.

“Shpirti ynë i ekipit ishte i shkëlqyeshëm, puna jonë kolektive ishte e shkëlqyer, presingu ynë i lartë ishte i mrekullueshëm. Shumë gjëra ishin të shkëlqyera”.

Lexo po ashtu Notat e lojtarëve, Atletico Madrid 1-1 Manchester United: Kondogbia dhe Elanga më të mirët

“Më pëlqeu shumë se si konkurruam dhe luajtëm lojën. Ne duhet të vazhdojmë kështu”.

“Pothuajse çdo gjë që bëmë në lojë, bëmë shumë mirë. Ju do të mendonit se avantazhi është me ta tani, por me ndryshimin e rregullit të golave ​​si mysafirë, nuk është kështu”, përfundoi trajneri i Atleticos. /Telegrafi/