Drama e re në Netflix, e bazuar në romanet më të shitur të Julia Quinn, debutoi në ditën e Krishtlindjes dhe po rrëmben një audiencë të madhe.

Fansat, të përfshirë në dramë pas 8 episodesh dhe të uritur për më shumë , mendojnë se kanë gjetur një shenjë që lë të kuptohet për një histori të mundshme të Sezonit 2 : disa fotografi të bletëve nga afër.

Por jo vetëm prania e insekteve fizike që fluturonin përreth – disa tifozë me sy shqiponje dalluan motive bletësh edhe në veshje. Si, për shembull, bleta e vogël e qëndisur në jakën e Benediktit këtu:

Marc Pilcher, shefi i serialit për flokët dhe grimin tha, “The Bridgertons kanë një bletë e cila shfaqet në pjesë të caktuara të kostumeve të tyre, dhe për Featheringtons, janë fluturat. Ne kemi disa zbukurime të vogla të flokëve që pasqyrojnë këtë gjithashtu”.

Më poshtë, ua sjellim një imazh prapa skenës nga departamenti i kostumeve të shfaqjes:

Kjo duket të jetë qëndisja për fustanin e ballos së Penelope Featherington, të cilën mund ta shihni në postimin vijues në Instagram. Penelope duke dhuruar simbolin e familjes së saj, fluturën:

Atëherë, pse simbolika e shfrenuar e insekteve?

Në shumë kultura, flutura është një simbol i rilindjes, ndryshimit dhe rritjes. Ndërsa një flutur lufton të çlirohet dhe të dalë si një krijesë e re e bukur, kështu bëjnë edhe gratë e reja të Featherington.

Në një intervistë me Vogue, dizenjuesja e kostumeve Ellen Mirojnick vëren, “The Featheringtons janë të reja dhe nëna Portia duhet të martoj vajzat e saj. Paleta e tyre e ngjyrave është plot me ngjyra agrume sepse ajo dëshiron që ato vajza të shihen. Mund të jetë shumë, por kjo nuk është me qëllim. Ajo mendon se duken bukur. ‘Fluturat shoqërore, me të vërtetë'”.

Dhe bletët ? Ato përfaqësojnë fuqinë, komunitetin dhe fokusin e palodhur. Kjo përshtatet me Bridgertonët e hijshëm, të cilët, si shtylla të pamjes  shoqërore të Londrës, kanë një ndikim të konsiderueshëm. /Telegrafi/