Sigurohen mbi 160 mijë doza të vaksinës kundër gripit sezonal, QKMF-të në pritje
Në Kosovë janë siguruar afërisht 160 mijë doza të vaksinës kundër gripit sezonal. Vaksinimi i qyetatarëve pritet të bëhet gjatë këtij muaji.
Në Qendrën Kryesore të Mjekësisë Familjare në Prishtinë thonë se i kanë bërë të gjitha përgatitje për dhënien e kësaj vaksine, por që aktualisht janë në pritje të marrjes së dozave të para të vaksinës kundër gripit sezonal.
Ministri i Shëndetësisë, Armend Zemaj ka thënë se për këtë sezon dimërore janë duke planifikuar shumëfishim të dozave të vaksinës kundër gripit.
“Një pjesë janë siguruar diku janë 165 mijë të cilat tash do shpërndahen tek qytetarët e Republikës së Kosovës. Por në këtë vit pretendojmë dhe do të mundësojmë që t’i kemi 500 mijë vaksina sigurisht edhe me përkrahjen e Qeverisë së Kosovës është në vendim duhet ta sigurojmë edhe koston buxhetore dhe është duke u bërë planifikimi i shpërndarjes nga të gjitha komunat, edhe nga QKMF-të janë marrë raportet dhe në bazë të kësaj dinamike bashkërisht me IKSHPK-në, ju e dini që edhe zinxhiri i ftohjes e ka një kapacitet të limituar të mbajtjes së këtyre vaksinave. Por në një planifikim korrekt edhe serioz të kësaj çështje, pretendojmë të kemi një numër të konsiderueshëm të të vaksinuarve që do ta arrijë gjysmë milionë të qytetarëve të Kosovës”, tha ai.
Sami Uka, kryeshefi i Qendrës Kryesore të Mjekësisë Familjare në Prishtinë, tha për KosovaPress, se i kanë bërë të gjitha përgatitjet e duhur në këtë drejtim.
Ai tha se kërkesat për marrjen e kësaj vaksine janë të mëdha në komunë të Prishtinës ,prandaj thotë se sa më shumë doza aq më mirë pasi në të kundërtën qytetarët detyrohen që t’i blejnë vetë.
“Ne po presim që brenda këtyre një apo dy jave të ardhshme të furnizohemi me dozat e para të vaksinës kundër gripit sezonal i kemi bërë të gjitha përgatitjet për t’i pranuar ato dhe për t’i distribuuar ato sipas nevojës tek moshat më fragjile apo më të thyeshme të cilat janë me prioritet për tu vaksinuar që janë moshat mbi 65 vjeçe ,të sëmurët me sëmundje kronike dhe shtatzënat. Po shpresojmë që t’i kemi me kohë që t’i administrojmë tek të gjithë nevojtarët… Prishtina vitin e kaluar diku ka administruar rreth 11 mijë doza dhe kështu edhe sivjet po planifikojmë minimum t’i kemi 11 deri 12 mijë doza që duhet t’i administrojmë por sasia që kërkohet është shumë më e madhe. Prandaj, çfarë do sasie mbi këtë sasi është e mirëseardhur për pacientët tanë që në rrethanat tjera duhet t’i blinin vetë pasi si të kalohet ky kufi mbi 12 mijë doza”, theksoi Uka.
Uka thotë se duke e parë situatën epidemiologjike me COVID-19 në vend, shpërndarja e vaksinave është menduar të bëhet në dy mënyra.
Kryeshefi i QKMF-së në Prishtinë e sheh tejet të nevojshme vaksinimin e të gjithë stafit mjekësore në Qendrat e Mjekësisë Familjare.
“Duke e marrë parasysh edhe COVID-in që ende po qarkullon mes nesh edhe pse me intensitet pak më të ulët, është e domosdoshme që të intervenohet sa më herët dhe mos të lihet sikurse vitin e kaluar që ka ndodhur deri në dhjetor. Kemi marrë dozat e vaksinës. Andaj ne po shpresojmë që sa më shpejt të fillojmë me dhënien e dozave të para të vaksinës kundër gripit sezonal. I kemi bërë të gjitha përgatitjet i kemi dy variante në dispozicion atë që ta bëjmë administrimin e vaksinës në të gjitha qendrat apo edhe në qendra të caktuara, ose vetëm këtu në Qendrën Kryesore të Mjekësisë Familjare, sikur që është viteve të kaluara. Por, me një riorganizim të punës në mënyrë që të shmangen kontakti i afërt i pacientëve me pacientët e tjerë, por njëkohësisht të sigurohet edhe administrimi sa më i shpejt i tyre”, deklaroi kryeshefi i QKMF-së në Prishtinë.
E sipas infektologut Valbon Krasniqi në këtë kohë kur po përballemi me pandeminë COVID-19, nevoja për t’u vaksinuar kundër gripit sezonal në kohën e duhur është edhe më e madhe, pasi që të dy viruset ngacmojnë rrugët e frymëmarrjes.
“Këtë vit për shkak edhe të pandemisë me COVID nevoja bëhet edhe më e rëndësishme për t’u vaksinuar kundër gripit sezonal dhe presim që deri në një kohë optimale… Këta dy virus janë të ndarë të dytë i sulmojnë rrugët respiratorë, megjithatë vaksina kundër gripit sezonal nuk është e paraparë për mbrojtje ndaj pandemisë COVID-19, prandaj koha optimale është koha që përmendim më herët dhe ne presim që krahas planifikimeve të rregullta të filloj ky vaksinim me kohë“, tha Krasniqi.
Në bazë të Institutit Kombëtar të Shëndetësisë Publike të Kosovës, gjatë vitit 2019 kanë qenë 16 mijë raste të regjistruara me grip sezonal./KP/Telegrafi/
Promo
Reklamo këtuLufta Prigozhin - Putin
Më shumëNga Rubrika
“Veriu nuk e mbulon korrupsionin në institucione”, analistët komentojnë raportin e DASH-it për Kosovën
Ambasadori i Finlandës: Anëtarësimi i Kosovës në NATO do të bëhet realitet
Dashtevski: Jemi të përgatitur për zgjedhjet, rezultatet e para do të shpallen para mesnate
Ambasadori i Finlandës: Anëtarësimi i Kosovës në NATO do të bëhet realitet
“Veriu nuk e mbulon korrupsionin në institucione”, analistët komentojnë raportin e DASH-it për Kosovën
Alarmi i Alicia Kearns për Ballkanin, politologët komentojnë deklaratën e deputetes britanike
Tension në Kuvend mes PDK-së e LVV-së, Shala ia ndalon fjalën Kusari-Lilës – nënkryetarja thërret sigurimin
“Paratë, ose do të vras djalin”, polici kërcënon qytetarin se nuk i dha ryshfet
Parlamenti britanik miratoi mocionin e Alicia Kearns për Kosovën
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
UEFA zbulon lojtarin më të shpejtë për këtë edicion në Ligën e Kampionëve
Zyrtare: Bundesliga me pesë skuadra në Champions duke iu falënderuar Dortmundit
A di të ndalet ky Ronaldo? Çfarë goli me këmbën e majtë
Mohamed Salah thyen heshtjen në rrjetet sociale pas përplasjes që kishte me Jurgen Klopp
Të gjithë po pyesin për ritualin e Bellingham para çdo ndeshjeje – anglezi shpjegon përse e bën
Bajrami: Jam i gatshëm ta ndihmoj Kurtin në procesin e Asociacionit