Si t’i trukojmë buzët e holla dhe të vogla?

Nuk mund të jemi të gjitha si Angelina Jolie, por një truk siç duhet mund të ndihmojë për t’i dhënë buzëve volum dhe sensualitet!

Nëse pika juaj e dobët janë buzët e vogla apo të holla, por nuk doni t’i drejtoheni kirurgut estetik, ndiqni udhëzuesin tonë dhe do të zbuloni si t’i bëni buzët tuaja të plota me pak veprime.

Çfarë na nevojitet:
1. Laps buzësh më i hapur se ngjyra e buzëkuqit
2. Buzëkuq
3. Korrektor
4. Ton ngjyrë shampanjë
5. Shkëlqim buzësh transparent

Si t’i trukojmë buzët e holla:
1. Ngjyrat që përshtaten më shumë me buzët e holla dhe të vogla janë si ato të hapurat (roza, pjeshka etj..), ashtu edhe ato të ndezurat (e kuqja, portokallia). Më mirë do të ishte të evitohen ngjyrat e errëta, rrezikojmë t’i zvogëlojmë akoma më shumë buzët.
2. Vizatoni konturin e buzëve me laps, pothuajse 1 mm larg nga konturi natyral dhe mbushini buzët me të.
3. Aplikoni buzëkuqin me një penel të vogël, pa e tepruar me sasinë.
4. Aplikoni në mes të buzëve pak ton ngjyrë shampanjë.
5. Plotësoni trukun duke aplikuar pak shkëlqim vetëm mbi buzë, brenda konturit.
/Telegrafi/