Si të shtrijmë kremin pas një banje të ngrohtë

Të shtrini kremin dhe të ndjeni trupin të rilind mbi të gjitha pas një banje të ngrohtë. Por nuk është kaq e thjeshtë. Për të pasur rezultatin e dëshiruar duhet teknika e duhur. Duhet t'i kushtoni vëmendje disa zonave të trupit që të bëni masazh.

Filloni me fytyrën. Cilido qoftë kozmetiku i zgjedhur, ka tre pika nga ku të nisesh: mjekër, faqe, ballë. Përdorni lëvizje rrotulluese, ndërsa në faqe shtrijeni duke filluar nga brenda nga ana e hundës në drejtim të veshëve.

Për qafën dhe dekoltenë, është e nevojshme të masazhoni nga qendra drejt veshëve. Lëvizja duhet të përsëritet disa herë. Pjesa e dekoltesë është pak më e ndërlikuar: dora e djathtë masazhon anën e kundërt, që do të thotë anën e majtë, kurse dora e majtë anën e djathtë. Fillohet nga poshtë sqetullës dhe hipën deri tek shpatulla.

Për kofshët dhe vithet: është mirë të masazhoni një herë një këmbë dhe një herë këmbën tjetër. Insistoni deri në thithjen totale të kremit, në brendësi të kofshëve dhe tek vithet për të favorizuar në këtë mënyrë qarkullimin, dhe më pas kushtojini vëmendje kaviljeve, mbi të gjitha nëse keni këmbë të fryra.
Në fund krahët duke masazhuar nga lartë-poshtë. /Telegrafi/