Si ta ndihmoni Shoqatën “Autizmi” përmes Joy from GjirafaMall?

Përmes Joy from GjirafaMall ju mund ta ndihmoni Shoqatën “Autizmi” sa herë që porosisni online.

Shoqata “Autizmi” është një organizatë jo-fitimprurëse që ofron mbështetje për personat me autizëm në përgjithësi, e në veçanti për fëmijët me autizëm. Kjo organizatë ka për qëllim trajtimin e personave me autizëm, integrimin dhe ngritjen e vetëdijës në shoqëri.

Me autizmin, që ende ka një stigmë përreth, kjo organizatë po bën të pamundurën për t’u dalë në ndihmë të gjithë personave me autizëm dhe këtë e bën përmes mbështetjes direkte por edhe përmes organizimit të ngjarjeve e kampanjave për të ngritur vetëdijen e shoqërisë në mënyrë që edhe personat me autizëm të jenë të integruar dhe pjesë e shoqërisë.

Shpesh, kjo organizatë përballet edhe me mungesë të fondeve të cilat do të ndihmonin që të realizoheshin qëllimet e saj dhe zhvillimin e organizatës për afat të gjatë, dhe kjo është arsyeja pse kjo organizatë tash është një nga organizatat partnere të Joy from GjirafaMall, si një mundësi për të gjithë që duan të kontribuojnë dhe mbështesin atë.

Nëse dëshironi që të bëheni pjesë e kësaj mbështetje, krejt çka duhet të bëni është qe blerjet tuaja të zakonshme që i bëni online, t’i kryeni përmes joy.gjirafamall.com dhe gjatë procesit të pagesës të zgjidhni Shoqatën “Autizmi” si përfituese e një pjese nga shuma e blerjeve që bëni – një mundësi që GjirafaMall po e ofron përmes iniciativës së saj Joy from GjirafaMall.

Vizito joy.gjirafamall.com