Si nëpër filma, rojet bregdetare amerikane kapin nëndetësen që transportonte mbi 7 ton kokainë

Rojet bregdetare amerikane kanë publikuar të enjten një video, që lirisht mund të thuhet se është e pazakontë.

Në video shihen barkat patrulluese të rojeve bregdetare që hasin në një mini-nëndetëse, e cila po transportonte drogë dhe po lundronte mbi sipërfaqen e ujit në Paqësor, transmeton Telegrafi.

E duke parë që po u afroheshin rojet bregdetare vendosin ta rrisin shpejtësinë, kurse pjesëtarët e rojeve bregdetare kërcejnë mbi të dhe i detyrojnë të ndalen dhe në momentin që hapin kapakun nxjerrin një burrë nga ajo.

Se kanë kapur një sasi të madhe të drogës, e konfirmon raporti që thuhej se brenda nëndetëses kish mbi 7,250 kilogramë kokainë, vlera e të cilës kap shumën e mbi 500 milionë dollarë.

Por edhe pse videoja është publikuar nga autoritetet amerikane, spekulohet se aksioni është zhvilluar gjatë 18 qershorit në lindje të Paqësorit jo larg bregut perëndimor të SHBA-ve.

.@VP is welcoming back the crew of CG Cutter Munro as they turn over 39K lbs of cocaine from drug seizures like this one from a semi-submersible off South America to federal agents. We will be live-streaming the offload on Facebook in a few hours. More: https://t.co/5eQRbQpxw5 pic.twitter.com/9bMRorDC4I

— U.S. Coast Guard (@USCG) July 11, 2019

Në video shihet pjesëtari i rojave bregdetare duke bërtitur: “Ndale nëndetësen”, e pasi që nuk iu bindën urdhrave, ata i detyruan me forcë me ç’rast nxorën jashtë pesë persona.

Siç raporton CNN, në katër vitet e fundit është rritur numri i të ashtuquajtura gjysmë-nëndetëse (që nuk zhyten plotësisht në ujë) me të cilat narko-kartelët kontrabandojnë sasi të mëdha të drogës.

Një nëndetëse e tillë është shumë e rrallë kurse ndërtimi i saj kushton shumë, kjo për faktin se ndërtohet fshehtas nëpër xhungla nga frika se dikush mund t’i tradhtojë narko-kartelët. E pasi që ato mbushen me drogë, nisin rrugëtimin e nëse nuk i sheh dikush në ujë vështirë se vërehen.

Ato mbyllen mirë dhe pjesa më e madhe e trupit zhytet në ujë dhe janë të ngjyrosura me ngjyrë të kaltër, me qëllim që të mos vërehen në ujë.

E kur rojet bregdetare amerikane hasin në një nëndetëse të tillë duhet të reagojnë menjëherë, përndryshe do t’iu ikë pasi që ato mund të zhyten plotësisht në ujë për disa minuta dhe të zhdukin provat. /Telegrafi/