Perceptimi ynë për ngjyra të ndryshme përcaktohet nga zakonet, traditat kulturore dhe në shumë mënyra, edhe nga vetë natyra. Për shembull, ngjyra e kuqe është e njohur për të rritur rrahjen e pulsit të zemrës
Prandaj, kur bëhet fjalë për zgjedhjen e veshjes, zgjedhja e duhur e ngjyrave mund ta përmirësojë gjendjen tuaj dhe t’ju bëjë më tërheqës në sytë e atyre që gjinden përreth jush, transmeton Telegrafi.
Më poshtë i keni disa informacione tejet interesante të cilat tregojnë se si ndikojnë në emocione ngjyrat e ndryshme të rrobave që i vishni.
Ngjyra e kuqe
Kjo ngjyrë nuk është aq e drejtpërdrejtë sa mund të duket. Veshja e ngjyrës së kuqe kërkon guxim. Duhet ta zgjedhni një nuancë e cila i përshtatet ngjyrës së lëkurës tuaj. Një veshje e kuqe mund të rrisë vetëbesimin dhe t’ju bëjë të dalloheni në një turmë njerëzish. Në pjesën më të madhe të botës, ngjyra e kuqe posedon aurën e pasioneve të rrezikshme dhe seksualitetit. Përveç nëse jeni në Indi, ku ngjyra e kuqe është ngjyrë tradicionale e fustaneve të nusërisë.
Kombinimi kuq e zi ka kohë prej që është bërë klasiku i modës. Për një efekt edhe më interesant, mund të provoni ta kombinoni edhe ngjyrën e kuqe me të bardhë ose me ngjyrë të trupit.
Ngjyra e verdhë
Sipas ekspertes së mirënjohur të stilit, Jeannie Mai, kjo ngjyrë mund t’ju ndihmojë të krijoni miqësi edhe me personalitetet më të ngurta. Megjithatë, pothuajse njësoj si me ngjyrën e kuqe, duhet të jeni të kujdesshëm për të zgjedhur një ngjyrë që përshtatet me atë të lëkurës tuaj. Nëse ndiheni të pasigurt për nuancën që keni zgjedhur, provoni fillimisht ta kombinoni me aksesorë ose funde, apo sende që nuk do të ndikojnë në skemën tuaj të sipërme të trupit.
Ngjyra e kaltër
Duke qenë e kundërta e ngjyrës së kuqe, e kaltra ndikon në psikologjinë tonë duke zvogëluar shtypjen e gjakut. Qoftë nëse jeni duke u përpjekur të çlodheni pas një dite të ngarkuar në punë apo jeni duke u përgatitur për një takim të rëndësishëm, veshja me të kaltër gjithmonë është opsioni i duhur. Kjo ngjyrë sigurisht se të dyve do t’ju ndihmojnë të relaksoheni dhe të krijoni një përshtypje të parë pozitive!
Ngjyra e gjelbër
Një tjetër ngjyrë qetësuese dhe e që mund të gjallërojë gjithçka në të njëjtën kohë. E gjelbra ka shumë nuanca, gjë që e bën të përshtatshme për të gjitha llojet e lëkurës. Nëse doni ta theksoni veshjen e gjelbër, atëherë përdorni aksesorë me ngjyrë neutrale. Kur përdorni një nuancë të lehtë të kësaj ngjyre, mund të eksperimentoni duke kombinuar sendet e gjelbra me bizhuteri ose kapela me ngjyra të ndezura.
Ngjyra vjollcë
Kjo ngjyrë është thelbësore për krijimin e një përshtypjeje me përvojë dhe vetëbesim të lartë. Për shembull, rekomandohet që të vishni vjollcën në një intervistë pune. “Veshjet me ngjyrë vjollce mund të bëjnë që fytyra e re të duket më e pjekur,” thekson Jeannie Mai. Për më tepër, vjollca mund ta gjallërojë edhe pamjen më të zakonshme.
Ngjyra e zezë
Kjo është ngjyra që i përshtatet të gjithëve! Kur është fjala për veshje, e zeza është e njohur që krijon një efekt vizual të një trupi më të hollë. Në përgjithësi, rrobat me ngjyrë të zezë mund të krijojnë një përshtypje të zymtësisë, por që njëkohësisht edhe të elegancës.
Ngjyra e portokalltë
Një ngjyrë që kombinon cilësinë e diellit të verdhë dhe thellësinë e të kuqes. Ngjyra e portokalltë mendohet të jetë ideale për stimulimin e aktivitetit dhe kreativitetit. Ju nuk duhet të kombinoni një ngjyrë të tillë me ndonjë gjë të dukshme. Në vend të kësaj, përpiquni ta përdorni atë në kombinim me ngjyrat e ftohta ose neutrale. /Telegrafi/
Lufta Prigozhin - Putin
Më shumëAktorja e njohur përqafon thjeshtësinë, shkon në emision totalisht pa grimë
Sa shpesh duhet të lani flokët, përgjigjja do t'ju habisë
Nicole Kidman ‘përqafon’ trendin e ri të flokëve dhe duket kaq ndryshe
Jennifer Garner tregon vështirësinë më të madhe e të qenit nënë
Qindra emra shqiptarë dhe ilirë për fëmijën tuaj
Sa zgjat ovulacioni dhe kur mund të mbetem shtatzënë?
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E zezë klasike, krejt sytë n’ty
Papuçe që t’flen kama n’to- Porositni me zbritje në Telegrafi Deals
Kapni zbritjen – atletet Nike për meshkuj tash me zbritje në Telegrafi Deals!
Kur nuk blen për vete, nuk blen as për kojshi – që do të thotë shfrytëzoje zbritjen në Telegrafi Deals
Sot harroni të gjitha hallet, ZBRITJA në Deals me na shku huq nuk na falet
Më të lexuarat
Njëri nga të kërkuarit për tentim vrasjen në Prishtinë e kishte rrahur reperin Fero në vitin 2018
Stradner: Vuçiq dhe Dodik po përgatisin jetësimin e idesë për "botën serbe"
I pyetur nga Bundesliga se cilit person të famshëm ia ka numrin e telefonit - Xhaka zgjodhi legjendën e futbollit
Mësohet se kush, përveç Serbisë, votoi kundër rekomandimit për anëtarësimin e Kosovës në Këshillin e Evropës
Hoxha: Grupe kriminale serbe po përgatiten për sulm në veri
"Unë thjesht dua të luaj futboll" - Vini Jr me një gjest të shëmtuar në miqësore, Laporte tallet me të pas ndeshjes