Si mund të keni një gjoks të tonifikuar me lëvizje të thjeshta

Këshilla për të pasur për një kohë të gjatë një dekolte të bukur, falë pesë ushtrimeve të mira për t’u ndjekur çdo ditë.

Është një pjesë e trupit e cila meriton vëmendje më të veçantë, që ka nevojë për ushtrime dhe pak përkëdhelje: po flasim për gjoksin, një pikë shumë e ndjeshme për femrat. Këtë pjesë delikate tuajën, duhet ta “ushqeni” me disa strategji të vogla, në gjendje për të rritur mirëqenien. Sekreti?

Mos e kini frikë ujin e ftohtë…dhe ushtroni krahët dhe shpatullat. Ja më në detaj disa këshilla të dobishme për një gjoks të tonifikuar.

Sporti për gjoksin

Noti dhe gjimnastika e ujit ju ndihmojnë që të keni një gjoks të tonifikuar dhe të bukur pa shumë lodhje: falë veprimit të ujit, trupi përjeton një masazh të vërtetë dhe gati-gati ngurtësohet. Cilin lloj noti mund të zgjidhni? Atë me shpinë dhe stilin bretkosë.

Duke notuar si bretkosë, ju do të mund të përfshini krahët duke forcuar gjoksin por edhe muskujt e tyre, me tepër lehtësi. Ndërkohë, me stilin në shpinë ju mësoheni që t’i mbani shpatullat hapur, një pozicion për ta mbajtur në mendje, sepse ajo i jep bukuri gjoksit.

Ushtrimi i përditshëm

Në periudha delikate të jetës, si në shtatzëni ose në periudhën pas lindjes, ju duhet t’i kushtoni vëmendje më të veçantë gjoksit. Fitnesi në ujë ose në palestër dhe përdorimi i peshave të vogla do t’ju ndihmojë mbi forcimin e gjoksit. Nëse nuk keni kohë, atëherë mbushni dy shishe me rërë dhe përdorini si pesha.

A e dini se pastrimi i dritareve ju ndihmon të riforconi gjoksin? Ndërkohë që bëni pastrimet, provoni të tkurrni dhe të ç’tkurrni muskujt në mënyrë vullnetare: gjoksi në këtë mënyrë do të bëhet më i tonifikuar.

Sekrete të bukurisë

Jo dietave yo-yo: i pari që paguan “çmimin” është gjoksi, përveç lëkurës e cila bëhet me shenja çarje. Pini shumë ujë dhe ushqehuni në mënyrë të ekuilibruar, me një dietë të pasur me perime dhe fruta. Kjo do t’ju ndihmojë për mirëqenien.

Për të tonifikuar muskujt e gjoksit përdorni ujin e ftohtë. Ndërsa për të ushqyer lëkurën në thellësi, përdorni pak vaj natyral si vaj kokosi, shumë ushqyes, ose edhe vaj elbi ose lule muskete, të cilët shërbejnë si ushqyer për lëkurën.

Si uleni?

Vëzhgoni pozicionin tuaj ndërsa jeni ulur në tryezë ose në tavolinën e punës. Qëndrimi i mirë e ndihmon shëndetin e shpinës, por ai është edhe një recetë bukurie që nxjerr në pah gjoksin. Shpina duhet të jetë drejtë dhe shpatullat të hapura.

Disiplina të tilla si joga dhe pilates, mund të japin një kontribut të rëndësishëm, sepse falë një praktike të rregullt përgjatë kohës, ju do të mund të ndërgjegjësoheni më shumë për pozicionet e gabuara që keni tendencë të qëndroni. Ndër të tjera, ju mund të rrisni elasticitetin, fleksibilitetin dhe harmoninë.

Çdo ditë

Vrapi ju mban në formë dhe është një ushtrim i dobishëm për kraharorin. Kur vraponi, mundohuni të vëzhgoni më shumë mënyrën me të cilën lëvizni. Zakoni i të ecurit me kokën lart dhe me shpatullat drejt, përmirëson pamjen e gjoksit, por edhe vetëbesimin tuaj dhe ndjesinë e brendshme: më të forta, guximtare dhe gati për të përballuar jetën. /Telegrafi/