Si duhet të ndryshojë moda pas coronavirusit, flet ikona e stilit Gabriela Hearst

Ngjarjet e muajve të fundit kanë nxitur shumë reflektim, tek shumëkush prej nesh! Pandemia ka detyruar industrinë e modës të mbështetet tek sistemet rezervë dhe rishikimi i standardeve deri diku të vjetruara, që as që mendohej se ndonjëherë do të hynin në punë

Coronavirusi, tensionet raciale e plot ndodhi të tjera së fundmi, kanë bërë që industria e modës të përballet me të vërteta të pakëndshme, të errëta, e jo vetëm. Blerësit kanë pasur arsye të rishqyrtojnë zakonet e tyre të shpenzimeve dhe nëse duhet vërtetë ta blejmë diçka që na pëlqen apo jo!

Gabriela Hearst, ikona e modës, stilistja e famshme që shpesh ka qenë argument mes kritikëve dhe konsumatorëve thotë se sot më shumë se kurrë moda duhet të nxisë ndryshime pozitive dhe të braktisë sistemet ekzistuese që nuk shërbejnë më.

“Në një periudhë afatshkurtër, pandemia ka bërë që ne të drejtohemi shpejt në mënyra të reja të afrimit dhe komunikimit me klientët, sepse nuk mund ta bësh më këtë gjë personalisht, si dikur”, thotë ajo.

“Unë mendoj se jemi duke u interesuar më shumë për produktet që janë më të mira për shumicën e njerëzve. Në botën e sotme, nëse jeni një individ ose një kompani që mund të ndihmoni, ju duhet ta bëni këtë sepse kjo është një detyrë. Ndërgjegjësimi na bën më të qëndrueshëm dh sidomos ndikimi social e bën më të zhvilluar një shoqëri”, vijon Hearst.

Industria e modës, thotë ajo, është në një pozicion unik dhe të fuqishëm për sa i përket ndikimit: mund të tërheq konsumatorët në praktika më të qëndrueshme dhe blerje me mend vetëm duke krijuar aksesorë interesant dhe duke përdorur proceset dhe materialet e duhura.

“Moda është një automjet i jashtëzakonshëm për ndryshime pozitive sepse ne jemi shumë të mirë në tregimin e historive dhe krijimin e bukurisë dhe imazheve që tërheqin njerëzit”, thotë ajo.

Hearst nuk është dikush që flet pa e kaluar vetë një eksperiencë të ngjashme. Qëndrueshmëria është në thelb të markës së saj, dhe ajo është një model integrues për krijimin e rrobave dhe aksesorëve të saj elegant dhe pa kohë, shkruan Class.

Në shtator të vitit të kaluar, ajo organizoi shfaqjen e parë të modës neutrale të karbonit gjatë Javës së Modës në Nju Jork, duke minimizuar gjurmën e karbonit përmes punës me EcoAct dhe duke bërë një donacion të konsiderueshëm për projektin Hifadhi-Livelihoods në Kenia. Rreth 25 përqind e koleksioneve të saj prodhohen nga stoqet dhe ajo punon kryesisht me 600 gra në të gjithë Uruguajin, të cilat i bëjnë me dorë krijimet e saj.

Në nëntor të 2019-ës, ajo punoi me “Save The Children” dhe dhuroi 100 përqind të të ardhurave neto të markës së saj në përpjekjet për bamirësi në Jemenin e shkatërruar nga lufta.

Stilistja e njohur, është jo vetëm një emër i lakmuar në botën e modës, por edhe një nga njerëzit me influencë të madhe në çështjet e bamirësisë, angazhimit në fushata humanitare, etj. /Telegrafi/