Më shumë se 1.7 kilogramë drogë janë konfiskuar në vendkalimin e Preshevës

Doganierët e Serbië në bashkëpunim me Policinë kanë zbuluar dhe konfiskuar më shumë se 1.7 kilogramë lëndë psikoaktive në pikën kufitare të Preshevës, e cila do të identifikohet saktësisht pas analizave laboratorike, bëjnë të ditur mediat serbe.

Dy lloje të lëndëve të dyshimta pluhur që reaguan ndaj testit të amfetaminës janë zbuluar në një Audi A3, me targa holandeze, i cili ka mbërritur në hyrje të Serbisë gjatë mbrëmjes së datës 4 gusht, i drejtuar nga një shtetas i huaj i drejtuar për në Holandë, i cili kishte më parë ka banuar në Turqi dhe Kosovë.

Në njoftimin e Drejtorisë së Doganave të Serbisë thuhet se gjatë kontrollit të detajuar të veturës, doganierët dhe policët kanë zbuluar në bagazh një çantë me pantallona të palosura mirë, në këmbët e së cilës fshiheshin 1.252 gramë lëndë pluhuri me arsye dyshohet se është një lloj droge narkotike.

Në kërkim e sipër, nën ulësen e shoferit, u gjet një kuti kartoni, e mbështjellur me shirit ngjitës, në të cilën kishte një lëndë tjetër pluhur, 501 gram.

Drejtuesi i mjetit dhe substancat psikoaktive të zbuluara u morën nga policia. /Telegrafi/