Shtrëngime duarsh dhe të qeshura mes Kurtit dhe Ramës – gjithçka nga darka e mbrëmshme që u mbajt në Slloveni

Anulimi i mbledhjes së dy qeverive asaj të Kosovës dhe Shqipërisë që ishte planifikuar të mbahej më 14 qershor, kishte nxitur debate në distancë mes Kurtit dhe Ramës.

Që nga ajo kohë të dy kryeministrat kishin shmangur takimet mes njëri-tjetrit.

E pas gjithë kësaj zhurme që raportet Kosovë-Shqipëri mund të jenë të tensionuara, të dy kryeministrat u panë tek i shtrënguan dorën njëri-tjetrit në darkën që u mbajt të hënën në Lubjanë të Sllovenisë.

Lexo po ashtu Forumi i Bledit “bashkon” Kurtin me Ramën, Fajon: Sllovenia do të punojë shumë për ta sjellë Ballkanin më afër BE-së

Ishte kryeministri i Shqipërisë, Edi Rama ai i cili publikoi disa fotografi nga kjo darkë ku edhe shihej përshëndetja e tij me kryeministrin Albin Kurti, dhe shtrëngimi i duarve duke pasuar me të qeshura.

Takimi u zhvillua në darkën e mikpritjes së kryeministrit slloven, Robert Golob, në vigjilje të Forumit Strategjik të Bledit që do të mbahet sot.

Kurti në darkën e punës së kryeministrit të Sllovenisë ka thënë se respekti ndaj minoriteteve dhe njohja reciproke parakushte për anëtarësim në Bashkimin Evropian.

“Mesazhe inkurajuese nga Kryeministri i Sllovenisë Robert Golob mbi zgjerimin e BE-së dhe mundësitë për Ballkanin Perëndimor. Unë i bëra jehonë thirrjes për një qasje të bazuar në vlera ndaj anëtarësimit në BE, të fokusuar në respektimin e pakicave dhe me njohjen reciproke si parakusht”, ka shkruar Kurti në platformën “X”.

Encouraging messages from 🇸🇮 Prime Minister Robert Golob on EU enlargement and opportunities for the Western Balkans @BledStratForum.
I echoed the call for a values-based approach to EU membership, focused on respect for minorities, and with mutual recognition as a precondition. pic.twitter.com/tgDWdASYP9

— Albin Kurti (@albinkurti) August 27, 2023

Kurse, Ministrja e Punëve të Jashtme të Sllovenisë, Tanja Fajon ka komentuar takimin duke e quajtur “Mbledhje të madhe me të gjithë liderët e Ballkanit Perëndimor”

“Ne duhet të mendojmë jashtë kornizave dhe të përshpejtojmë procesin e zgjerimit. Procesi i bazuar në vlerë na bashkon. Sllovenia do të vazhdojë të punojë shumë për ta sjellë Ballkanin Perëndimorë më afër Bashkimit Evropian”, ka shkruar Fajon.

Great gathering with all #WesternBalkans leaders & @CharlesMichel ahead of #BSF2023.

We have to think out of the box & use the momentum & speed up the #enlargement process. Value based process brings us together.

🇸🇮 will continue to work hard on bringing #WB closer to the 🇪🇺 pic.twitter.com/qEcikOQtgr

— Tanja Fajon (@tfajon) August 27, 2023

Prezent në këtë darkë ishte edhe kryeministri në detyrë i Malit të Zi, Dritan Abazoviq, kryeministri i Maqedonisë së Veriut, Dimitar Kovaçevski dhe kryeministrja e Serbisë, Ana Brnabiq. /Telegrafi/