Janë 9 raste të reja me COVID-19 në vend në 24 orët e fundit. Shpërndarja gjeografike e rasteve është: 5 raste në Tiranë, 3 në Durrës dhe 1 në Shkodër. Të shëruar janë 6 qytetarë.

177 raste aktive janë gjithsej në vend. Ndërkohë që dje në vend ndërroi jetë në spitalin infektiv një 64-vjeçare, e cila vuante nga limfoma e trurit.

“Pas më shumë se 3 javësh pa humbje jete nga COVID-19, gjatë mbrëmjes së kaluar ka ndërruar jetë një 64-vjeçare nga Tirana, e cila vuante nga limfoma e trurit. Pavarësisht përpjekjeve të stafit mjekësor, fatkeqësisht 64-vjeçarja nuk ja doli të mbijetojë. Që nga fillimi i epidemisë, 32 qytetarë e kanë humbur betejën me COVID-19. Gjatë 24 orëve të fundit janë testuar 146 qytetarë si të dyshuar të prekur me COVID-19 dhe janë konfirmuar pozitivë 9 raste. Nga fillimi i epidemisë janë kryer mbi 14 mijë testime molekulare dhe serologjike.
Deri më sot janë konfirmuar pozitivë me COVID-19 në të gjithë vendin 998 qytetarë. Prej tyre, rreth 79% janë të shëruar. Në vendin tonë aktualisht janë 177 persona aktivë me COVID19, kryesisht në Tiranë, Durrës Krujë, Shkodër”, tha Marjeta Dervishi nga Instituti i Shëndetit Publik. /Telegrafi/