Në Spitalin Rajonal të Gjakovës aktualisht janë të hospitalizuar 62 pacientë, prej tyre 30 janë me oksigjen dhe shtatë të tjerë në gjendje më të rëndë.
Drejtori i Spitalit të Përgjithshëm në Gjakovë, Hilmi Shala përmes telefonit i ka thënë KosovaPress-it se 19 pacientë janë në pritje të rezultatit të testit për COVID-19.
“Për momentin i kemi 62 pacientë që janë trajtuar nga ta ka edhe negativë por që presin edhe rezultatin. E kemi një paciente e cila është e intubuar edhe 6 me CPAP maskë, gjendja e të tjerëve është stabile. 30 pacientë janë me oksigjenoterapi. Janë 19 pacientë të cilët po presin rezultatet”, u shpreh drejtori i spitalit të Gjakovës.
Në këtë spital janë të dedikuar 85 shtretër të ndarë në pesë reparte. Por shton se varësisht nga kërkesat mund të rritet edhe numri i shtretërve.
Drejtorit i Spitalit të Gjakovës, Hilmi Shala për KosovaPress thotë se krahas shërbimeve për personat e prekur nga koronavirusi në këtë spital po ofrohen edhe shërbimet e tjera spitalore për pacientët me sëmundje të tjera.
“Aktualisht jemi duke operuar me 85 shtretër për pacientët me COVID, momentalisht këta shtretër janë të shtrirë në pesë reparte. Në Pulmologji dhe Neurologji janë bashkë, Infektiva me Dermatologjinë bashkë dhe Njësia Koronare e cila është e kthyer në kujdes intenziv për pacientët me COVID… Deri tash nuk jemi keq me staf e kemi edhe stafin e ri që ka ardhur nga ministria e Shëndetësisë infermierët i kemi pranuar javën e kaluar , për momentin që po flasim i kemi të gjitha edhe stafin edhe infrastrukturën… Varësisht prej rrjedhës së situatës epidemilogjike jo vetëm në komunën tonë por në gjithë Kosovën jemi në dispozicion të shtojmë shtretër shtesë, për momentin i kemi 85 shtretër, nëse paraqitet nevoja mund t’i shtojmë kapacitetet. Spitali ynë i ka 408 shtretër dhe me këtë pjesë 85 jemi duke operuar normalisht pa i cenuar shërbimet e tjera sepse nuk është vetëm COVID por ka edhe sëmundje të tjera. Deri në këto momente asnjë shërbim shëndetësor nuk është cenuar, të gjitha po shkojnë normalisht”, tha Shala.
Drejtori i Spitalit në Gjakovë deklaroi se kanë sasi të mjaftueshme të oksigjenit për pacientët me COVID-19. Hilmi Shala thotë se varësisht nga pacientët bëhen edhe kërkesat për sasinë e oksigjenit.
“Ne furnizohemi kohë pas kohe nga Shërbimit Spitalor Klinik Universitar, kemi materialin mbrojtës në luftë ndaj COVID-it, rrobat mbrojtëse të gjitha i kemi për personelin shëndetësor fillimisht me terapi dhe material që shërben për pacientët me COVID vazhdimisht furnizohemi ka raste që disa produktet pacientët i blejnë vetë. […] Kryesisht janë terapitë e COVID-it, janë antibiotikët, janë radio-koagulesit e këto produktet kohë pas kohë mund t’i blejnë vetë. […] Ne furnizohemi një herë në 24 orë nga operatorit i kontraktuar nga SHSKUK çdo 24 orë na vjen furnizimi sipas kërkesave që i kemi. Rezerva nuk mbajmë në stoqe për arsye se kontraktori i sjell bombolat sipas kërkesave tona…Furnizimi vjen sipas pacientëve kërkesës që ne i kemi pacientët që janë me CPAP maskë ose respiratorë shfrytëzojnë më shumë oksigjen, varësisht prej pacientëve që i kemi me këto aparatura edhe kërkesa jonë rritet nevoja është më e madhe dhe ne i drejtojmë kërkesën operatorit për sasi të bombolave më të mëdha, kur kemi më pak aparatura shpenzimi është më i vogël. Për momentin kur po flasim kemi rezerva për oksigjen”, theksoi Shala.
Vetëm në ditën e djeshme komuna e Gjakovës ka regjistruar 3 pacientë të rinj të infektuar me COVID-19. Ndërsa, gjatë 24 orëve të fundit në Kosovë pozitiv me COVID-19 kanë rezultuar 637 persona 13 persona kanë vdekur si pasojë e infektimit me coronavirus./KP/
Lufta Prigozhin - Putin
Më shumë“Ka vetu, e ka bo Zoti dritë dhe e kom pa atë njeri”, thotë dëshmitarja për vrasjen e trefishtë në Gllogjan
Gjatë një operacioni policor në Prishtinë e Gjilan, gjenden dy bunkerë dhe armë zjarri
Kurti takon ministren e Jashtme gjermane, falënderon Gjermaninë për mbështetjen e Kosovës drejt anëtarësimit në KiE
Departamenti amerikan i Shtetit demanton dyshimet e ngritura ndaj Escobarit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Gjenden pa shenja jete dy persona, njëri në Fushë Kosovë e tjetri në Prishtinë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre